趙家賢

趙家賢
出生日	1985年7月17號  （39歲）
出生地	英屬香港
國籍	中華人民共和國
母校	香港浸會大學、筲箕灣東官立中學、筲箕灣官立中學
職業	政治人
政黨	民主黨、公共專業聯盟
[改維基數據]
睇 傾 改

趙家賢（英文：Andrew Chiu，1985年—），花名「尖尖頭博士」、「栗頭老師」、「永澤同學」，係香港民主黨員，東區區議會太古城西選區前任議員，亦係位認可調解員、民主動力召集人。

趙家賢自2007年區議會選舉當選後，一直係太古城西嘅區議員，做到2021年。

喺2015年香港區議會選舉，佢攞到3,362票，成功當選^[1]。

趙家賢喺2019年11月3號喺太古城中心調解爭執期間，有人揮刀斬人，更咬甩趙家賢隻左耳耳殼，要送入醫院駁返^[2]。不過，佢亦喺第6屆香港區議會選舉成功打低經民聯嘅丁煌。

2021年1月6號，因為早前組織同策劃泛民主派35+初選案，被指違反（北京未經諮詢或香港人同意，兼且惹起泛民主派爭議嘅）香港國家安全法而被捕，2月尾被拒保釋，並一直還押到而家，同年7月頭劈炮唔撈，唔再做區議員。

爭議

博士學位同埋參與國際博士後協會嘅爭議

佢曾經報稱自己有博士資格，但佢嘅博士學位實質係來自法國北歐大學，並透過參與國際博士後協會得到。除咗法國北歐大學被視為野雞大學之外，國際博士後協會亦集合咗好多親中派人士，所以受到一啲親民主派人士嘅批評，例如，喺2018年1月，時事評論員黃世澤曾經發表文章，除咗批評呢個係一個土共組織之外，又形容呢個組織嘅榮譽顧問名單係『人渣龍虎榜』，亦點名批評本身屬於民主黨嘅趙家賢，話佢參與呢個組織，就證明佢投咗共，又話民主黨應該踢佢出黨^[3]。

參考

1. 〈2015年區議會選舉 - 選舉結果〉。www.elections.gov.hk。喺2025-01-10搵到。
2. 林劍, 袁澍, 勞敏儀 (2019-11-03)。〈【太古城血案】遭咬甩耳趙家賢清醒 兩男子重傷危殆〉。《香港01》 (香港中文)。喺2020-04-27搵到。
3. 〈趙家賢 喺土共組織大會接受博士學位，呢件係泛民？ - MO's notebook 4G 黃世澤 的筆記簿〉。

出面網頁

• 〈東區區議會 - 東區區議會議員資料〉 (繁體中文)。東區區議會。
• 趙家賢嘅官方網站
• 趙家賢嘅facebook頁