AMK,前身叫Adam Met Karl,係香港嘅獨立樂隊(即係無同唱片公司簽約,由成員自己夾錢出碟嘅樂隊)。Adam Met Karl喺1989年組成,最後AMK喺1996年解散。成員包括關勁松、麥海珊、許惠琛、玲玲(鼓機)等,係當時香港獨立樂圈入面較為受歡迎嘅樂隊,聽講佢哋唱片嘅銷量亦都係當時香港獨立樂隊裡面最高。
AMK嘅音樂風格屬於indie pop(早期多啲guitar noise),歌曲輕快;歌曲則以生活政治做內容,歌唱同埋歌詞亦都好有幽默感。