Benjamin Schulte

Benjamin Schulte

個人資料
國籍	關島
出世	(1995-12-22) 1995年12月22號（29歲） Tamuning, Guam
身高	1.93米（6呎4吋）[1]
體重	83 kg（183 lb）[1]
運動
運動	Swimming
項	Breaststroke, individual medley
俱樂部	Somerset Swim Club, Bryant University Bulldogs
教練	Graeme McDonald, Katie Cameron
獎牌紀錄 Men's Swimming 關島 Pacific Games 冠軍 2015 Port Moresby 200 m medley 冠軍 2015 Port Moresby 400 m medley 亞軍 2011 Nouméa 1500 m freestyle 亞軍 2015 Port Moresby 100 m breaststroke 亞軍 2019 Apia 50 m breaststroke 季軍 2015 Port Moresby 200 m breaststroke Oceania Championships 冠軍 2016 Suva 50 m breaststroke 亞軍 2016 Suva 100 m breaststroke

 

Benjamin Anthony Aguon Schulte（1995年12月22號—）係關島泳手。15歲嘅時候，佢喺2011年太平洋運動會到贏咗銀牌，踏上國際舞台。2014年密克羅尼西亞運動會，佢喺11個賽事之中贏咗9個金牌，得到「小菲比斯（Micro Phelps）」嘅花名。2015年太平洋運動會，佢喺200米同400米混合泳贏到金牌，100米蛙泳攞到銀牌並且喺初賽破咗大會紀錄，不過決賽金牌得主喺決賽又破咗佢紀錄，另外Schulte喺200米蛙泳攞到銅牌。喺2016大洋洲游泳錦標賽，Schulte贏到一面金牌一面銀牌。

得16歲嗰陣Schulte已經參加2012奧運嘅男子10公里馬拉松游泳項目。2016年奧運，佢代表關島參加100米蛙式，排第43名，無得入準決賽。嗰年佢亦都係關島嘅持旗手。

早年生活同教育

Benjamin Schulte喺1995年12月22號關島塔穆寧出世^[1]，佢喺布萊恩特大學讀商科^[2]。

喺五歲嘅時候Schulte學游水^[3]，14歲嗰年佢成家搬咗去澳洲，等佢可以參加奧運，佢喺昆士蘭黃金海岸嘅Miami State High School到讀書^[4]。

奧運

16歲嘅時候，Schulte參加2012倫敦奧運^[1]。早喺2011嘅時候，Schulte發現有個奧運資格賽可以參加，所以佢參加咗，不過攞唔到資格，但係後來一個新西蘭泳手放棄咗預留畀大洋洲嗰個位，令Schulte可以參賽。佢每個禮拜游十次九公里，又去做gym做瑜伽，最後以2:30:35嘅成績完成10公里嘅賽事，比金牌得主慢咗14分鐘。佢好努力咁完成賽事，佢話：「我嘅目標就係完成賽事，我唔想完成唔到，令朋友同屋企人失望。」^[3]佢呢份決心令佢被提名去攞Open Water Swimming Association嘅2012年年度泳手獎，最後佢攞到亞軍^[5]。

2012奧運之後，Schulte轉戰短距離嘅賽事，佢話：「我鍾意啲比賽，但係唔鍾意啲訓練。」^[6]

之後Schulte參加2016年奧運，關島奧委會主席 Ricardo Blas 同 Schulte 講：「你值得擁有喺奧運到帶領關島同做持旗手呢個機會。」^[7]喺2016年里約熱內盧奧運，佢以1:03.29嘅成績完成100米蛙式項目，破咗佢自己嘅國家紀錄^[7]。完成比賽之後，佢計劃參加下一屆2020年東京奧運嘅100米蛙式賽事^[7]。

國際比賽

2011年太平洋運動會，Schulte攞到男子1500米自由式銀牌，踏上國際舞台^[8]。佢亦都有參加400米自由式、50、100米蛙式、400米個人混合式、400米自由式接力、400米混合式接力^[9]。

2015年太平洋運動會，Schulte以1:03.42嘅成績打破咗100米蛙式嘅大會紀錄同關島國家紀錄，喺決賽，佢以第二名完成，贏到銀牌。金牌得主Amini Fonua將Schulte六個鐘之前破嘅紀錄又再破咗^[7][10]。Schulte仲贏到兩金一銅，係今次運動會攞最多牌嘅關島運動員^[5]。

2016年大洋洲游泳錦標賽，Schulte 參加咗50同100米嘅蛙式項目。喺100米嘅項目入面，佢喺預賽贏咗，但係決賽嘅時候以1:03.46嘅成績完成，被紐西蘭泳手Jacob Garrod贏咗，佢得銀牌^[11]。50米項目，佢喺預賽排第二，但係決賽就以29.26秒嘅成績贏咗Jacob Garrod，贏到金牌^[12]。

2014年密克羅尼西亞運動會，Schulte 表現好好，喺11個參加嘅活動入面佢攞到9個金牌，被封為「小菲比斯（Micro Phelps）」^[11]，呢9個項目分別係50、100、200米蛙式、4 × 100 自由式接力、4 × 50 混合式接力、1,500 米自由式、200、400米個人混合式同埋4 × 100 混合式接力。佢喺100米蝶式同100米自由式贏到銀牌^[13][14][15]。

參考資料

1. "Benjamin Schulte Bio, Stats, and Results". Sports Reference. 原著喺April 18, 2020歸檔. 喺March 4, 2018搵到.
2. Engichy, Kasmira (August 18, 2017). "Ben Schulte still swimming one year after 2016 Rio de Janeiro Olympics". Journal and Courier. Pacific Daily News. 喺March 5, 2018搵到.
3. Liden, Julian (August 10, 2012). "Teenager puts tiny Guam on swimming map". Chicago Tribune. 原著喺2018-03-06歸檔. 喺March 5, 2018搵到.
4. Wieman, Grant (July 24, 2014). "Dominant Schulte is 'Micro Phelps'". Pacific Daily News. p. A36 –透過Newspapers.com.
5. "Swimmer: 'I'm there to do my absolute best'". Pacific Daily News. August 5, 2016. p. A46 –透過Newspapers.com.
6. Wieman, Grant (July 24, 2014). "Dominant Schulte is 'Micro Phelps'". Pacific Daily News. p. A34 –透過Newspapers.com.
7. Sablan, Jerick (August 7, 2016). "Schulte breaks Guam national record in Rio". Pacific Daily News. 喺March 4, 2018搵到.
8. "Swimmer Schulte Wins Silver". Pacific Daily News. September 2, 2011. p. A48. 喺March 5, 2018搵到 –透過Newspapers.com.
9. "Games: Guam Swimmers Ready for Competition". Pacific Daily News. August 25, 2011. p. A31 –透過Newspapers.com.
10. Garrido, A. T. (July 6, 2015). "Ben Schulte swims to silver at Pacific Games". USA Today. 喺March 4, 2018搵到.
11. Sablan, Jerick (June 22, 2016). "Schulte wins silver at Oceania Championships". Pacific Daily News. 喺March 5, 2018搵到.
12. Sablan, Jerick (June 23, 2016). "Schulte wins gold medal at Oceania Championships". Pacific Daily News. 喺March 5, 2018搵到.
13. Wieman, Grant (July 23, 2014). "Schulte's Medal Total Reaches 10". Pacific Daily News –透過Newspapers.com.
14. Wieman, Grant (July 22, 2014). "Swimmers medal on first day". Pacific Daily News. p. A32 –透過Newspapers.com.
15. "Micro:Stephens finishes with 11 gold medals". Pacific Daily News. July 25, 2014. p. A45 –透過Newspapers.com.