Rabbit Card（泰文：บัตรแรบบิท；粵語非官方譯名：免仔卡）係泰國曼谷通用嘅電子收費系統，喺2012年5月起由泰國BTS集團控股有限公司旗下嘅曼谷智能卡系統有限公司（Bangkok Smartcard System Company Limited (BSS) ）推出發行，當時係用嚟向曼谷大眾運輸系統（BTS）嘅乘客收取車費，兼取替原本曼谷大眾運輸系統嘅SmartPass智能卡。時至今日Rabbit Card已經可以喺多個地點增值同埋當電子貨幣去用。
Rabbit Card [1]（非官方譯名：免仔卡）係曼谷智能卡系統有限公司現正發行嘅智能卡，可以喺曼谷大眾運輸系統售票亭出卡，分成人、學生（申請人必須係合資格嘅全職學生）同埋長者（申請人必須係合資格嘅泰國公民）3款，售價係100泰銖，包咗唔可以退返嘅行政費用50泰銖（優惠價去到2015年12月31號，優惠期過後有可能會回復番去原價150泰銖），按金50泰銖，另外喺出新卡時要揀增值可用儲值最少100泰銖（增值係以每100泰銖為單位）或者買曼谷大眾運輸系統嘅30日固定行程數量（15程、25程、40程或50程）（必須揀至少一項；長者卡無得揀30日固定行程數量）。Rabbit Card 可以同時儲存可用儲值同埋曼谷大眾運輸系統嘅30日固定行程數。Rabbit Card入面嘅儲值嘅有效期係最後一次增值日期起計2年，2年過後Rabbit Card入面嘅儲值就會無效，唯獨Rabbit Card依然可以嘅最後一次增值日期起計5年入面重新增值兼再次使用，5年過後Rabbit Card亦都會無效，需要重新買新卡。
用Rabbit Card亦可以賺到Carrot Rewards（非官方譯名：蘿蔔積分），換取禮品或折扣。[2]
Rabbit Card目前可以喺曼谷大眾運輸系統（BTS）、曼谷快速公交系統（BRT）、曼谷市內部分餐廳、零售業商戶同埋娛樂業商戶等地點使用。[3]
以下喺接受Rabbit Card做電子貨幣使用嘅地點：
用Rabbit Card入面嘅儲值嘅票價搭曼谷大眾運輸系統可以享有比用單程飛嘅票價每程平1泰銖，兼且慳番排隊換硬幣同喺自動售票機上買飛嘅時間。乘客亦可以揀喺曼谷大眾運輸系統嘅售票亭買曼谷大眾運輸系統嘅30日固定行程數（15程、25程、40程或50程），成人費用係405泰銖15程、625泰銖25程、920泰銖40程同1100泰銖50程，學生費用係315泰銖15程、475泰銖25程、680泰銖40程同800泰銖50程，長者卡因為平身每程已經有折扣優惠而唔可以買30日固定行程數量。行程唔限站數，以進/出閘機一次當一程。用30日固定行程數喺世隆線延線（吞武里城站至邦瓦站）同素坤逸線延線（翁嫩站至軸承站）站口進/出閘每程依然要俾額外附加費10泰銖，即係個次行程閘機將會扣一次行程數，兼且同時喺Rabbit Card內嘅儲值額到扣10泰銖。Rabbit Card入面嘅30日固定行程數會喺第一次用個日起計30日，30日過後Rabbit Card入面剩返嘅行程數將會無效。另外Rabbit Card入面嘅30日固定行程數嘅有效期係由購買固定行程數日起計45日，45日過後Rabbit Card入面嘅行程數將會無效。
如果Rabbit Card上嘅30日固定行程數未用完，閘機則會先扣行程數，直至用矖行程數之後先會扣卡入面嘅儲值額。Rabbbit Card每次入BTS閘機後120分鐘內有效，120分鐘過後將會被罰最高金額嘅票價。2013年6月1號至2015年5月31號，合資格嘅泰國公民用長者卡每程最高可享半價優惠（喺延線站進/出閘依然要俾附加費10泰銖）。
Rabbit Card可以喺以下地點用現金增值（每次至少100泰銖，增值金額可以係100泰銖同100泰銖嘅倍數），儲值上限係4000泰銖。