中國中煤能源股份有限公司（港交所：01898，上交所：601898）簡稱中煤能源或者中煤，係中國大陸第二大煤炭國家企業，僅次於中國神華能源，世界第三大煤炭企業。公司主要從事煤炭開採同埋洗選、煤炭同焦炭產品嘅銷售，重有煤礦機械裝備嘅製造同銷售。公司2006年成立，總部喺北京，董事長係王安先生，母公司係中國中煤能源集團公司。
2006年12月16號，中煤能源喺香港聯合交易所招股上市。2007年3月12號成為恆生國企指數成份股。
2008年1月21號，中煤能源宣佈發行A股，並喺2月1號掛牌。首個交易日股價升至22.2人民幣，比招股價升咗32%。
2010年9月6號，中煤能源加入恆生指數成份股[1]。至2014年3月10號被剔除[2][3]。