余曉東

余曉東（Hiu-Tung Yu，1984年2月5號—），香港排名第一網球手，身高5呎8吋(173cm)、體重143磅(65kg)。佢曾經代表香港參加台維斯盃、東亞運動會、全運會等大型賽事。台維斯盃戰績係10勝13負。

據余曉東憶述，細個嗰時同阿爸打網球，唔知點解就鍾意咗呢項運動。2001年2月，佢漸覺網球手日趨年青，於是決定放棄會考轉做職業球手，獲家人支持。有人問起佢有乜期望，余曉東坦言好少理成就，但求盡力而為。

多哈2006年亞洲運動會中，余曉東同南韓名將李亨澤、台灣球手王宇佐與及曾經高踞ATP雙打排名榜第一位嘅Paes/Bhupahti交手，但不幸當中賽事全部輸晒。

2007年余曉東放棄全職訓練，修讀香港大學專業進修學院副學士課程。曾經諗過掛拍嘅佢最尾決定繼續港隊生涯，帶領港隊打台維斯盃。2008年4月30號，經過香港奧委會挑選後，余曉東脫穎而出，5月2號喺香港嘅奧運會聖火接力做第29位火炬手。

2010年，佢代表香港參加2010年亞洲運動會，出戰男子單打及男子團體項目，但三項賽事都係首輪出局。

球員生涯

[編輯]

余曉東係左手揸拍、雙手反拍，2001年2月轉打職業賽。

威水史

[編輯]

出面網頁

[編輯]