南佛堂

南佛堂

南佛堂，又叫南堂島，而家多叫東龍洲或東龍島，係香港一個島，響新界西貢區清水灣半島南面。個島響正佛堂門南面，所以叫南佛堂或者南堂島。島南面嘅海峽，自然就叫做南堂門（而家通常叫藍塘海峽）。

名勝

東龍島

島上有史前石刻（東龍洲石刻）。北宋時，東龍洲上有石塔。^{[註 1]}重有清代康熙末年起嘅東龍洲炮台，古時係重要軍事據點，炮台起喺島東北面為防海盜，炮台後面嘅崖壁係攀石熱點，附近有露營地方。

交通

筲箕灣到東龍島街渡嘅時間表

得星期六、日同公眾假期有街渡來往市區，平日冇船到，人迹罕至。

歌曲、傳媒表達嘅東龍島

1. 《島的故事》1981年 《牛仔的一家》
2. 百載鑪峰1982年版第一集由"由炮臺遺址說起"。所以該集開頭有當時東龍洲炮台嘅片段。

註

1. 大廟灣刻石碑文：「攷南堂石塔建於大中祥符五年」。語譯：據考證所得，南佛堂嘅石塔喺宋大中祥符五年（1012年）建成。^[1]

參考

1. 黃垤華：從北堂摩崖題刻探索南堂石塔之謎