可憐我（英文：Pity Me），係英國英格蘭杜咸郡嘅一個城郊村[1]，大約有人口4,000人[2]。
可憐我嘅英文本名係「Pity Me」，有「可憐我」嘅意思。呢個名以地名嚟講好古怪，所以城鎮有一定嘅知名度[3]。關於呢個名嘅來源，至今重未有一個統一嘅講法[4]。其中一個講法係嚟自《牛津英國地名詞典》（Oxford Dictionary of British Place Names）。呢個講法話「呢個名係響19世紀改嘅。因為當時嘅可憐我係一個荒涼又難以發展嘅地方，尐人認為呢個地方發展唔到好不幸，所以改咗呢個怪名」[5]。
可憐我嘅座標係54°48′20″N 1°35′10″W（54.80553,-1.58615）[6]，海拔為91米（298.6英尺）[7]。呢個鎮位於紐頓何（Newton Hall）以西，弗拉姆韋爾蓋特摩爾（Framwellgate Moor）以北，距離達拉謨大約3.5公里[8]。呢個鎮嘅OS格網參考編碼係NZ265452，郵區編號係DH1，電話區號係0191[9]。
連接達林頓同紐卡斯爾嘅A167公路會經過佩提米[10]。
喺可憐我有幾間學校、零售公園、工業區、自然保護區、科學中心、旅遊休閒中心、幾間旅館同3間酒吧[2]，響佩提米邊緣重有一間敞開式購物中心[11]。