史密斯街（英文：Smith Street）係新加坡一條位於牛車水區中心嘅一條小街道，個名係用來紀念1887至1893年期間嘅海峽殖民地總督絲絲·金文泰·史密斯爵士（Sir Cecil Clementi Smith），特別係佢打擊新加坡秘密結社嘅工作[1]。
好早期嗰陣，呢條街俾某啲人稱呼為戲院街，因為1887年喺新加坡起好嘅麗進園（Lai Chun Yuen），就係位於呢條街嘅36號。亦因為麗進園，史密斯街有時被視為新加坡粵劇嘅起源地[1]。
喺1910至1920年代期間，呢度有好多粵劇明星喺呢度表演。另外喺1901年起，呢度亦係新加坡有名嘅紅燈區，直到1930年新加坡政府訂立咗保護女性嘅法例，情況先得以受控[1]。
喺第二次世界大戰之後，有好多街邊熟食檔同小販喺度擺檔，呢啲熟食檔同小販去到1983年就搬咗去牛車水大廈嗰度[1]。
去到2001年11月13號，呢度嘅範圍喺牛車水重建計劃之下，成為咗一對戶外食街，並且不時得到新加坡旅遊局嘅推廣。呢條街喺2013年5月一度關閉翻新，然後喺2014年2月重開[1]。