同時行動選擇

同時行動選擇（simultaneous action selection）係遊戲設計同博弈論等領域上嘅一個概念，指一隻遊戲或者一場博弈俾參與者喺同一時間進行決策。對每位參與者嚟講，「知道對手揀咗乜嘢選擇」同「俾對手知自己揀咗乜嘢選擇」係同時發生嘅。

遊戲設計

睇埋：電子遊戲時間系統

• 同步回合解決（simultaneous turn resolution）：遊戲程式包含兩個階段－命令階段同執行階段；喺命令階段，每個玩家都可以睇到有關戰場嘅資訊，並且作出決策，再話俾個遊戲程式知佢想做乜嘢決定，然後個遊戲程式會攞嗮所有玩家嘅決定，再進入執行階段，郁手按遊戲嘅原本狀態同玩家嘅決定改變遊戲世界嘅狀態，跟手再進入返命令階段同話俾玩家知上個回合之後發生咗乜事，一路重複上述過程，直至分咗勝負為止。
• 有暫停嘅同步回合解決（simultaneous turn resolution with pause）：一般情況下，隻遊戲會好似即時制嘅遊戲噉行，不過每當有玩家想俾指令嗰陣，遊戲世界會停低唔郁，等佢嘅指令，但個指令就算俾咗都會去到下一個回合開始嗰時先會執行（所以依然算係回合制遊戲），而喺下一個回合開始之前，個玩家無論點撳都唔會影響到個遊戲嘅狀態。

參攷