因紐維阿路葉

因紐維阿路葉嘅地理位置（紅色部分）
因紐維阿路葉南面海岸
因紐維阿路葉嘅其中一個市

因紐維阿路葉[暫譯]（因紐特文：ᐃᓄᕕᐊᓗᐃᑦ，羅馬拼音：Inuvialuit[1]），官話譯因努維阿魯伊特[註 1]，係加拿大因紐特人努那屹喺育空同西北地區嘅部分，位置喺育空地區同西北地區嘅北部[1][2]，總面積 9 0650 平方公里[3]，包括波弗特海嘅一大橛[2]。

呢區喺1984年7月25號先正式出現，原因係因紐維阿路葉人向加拿大聯邦政府提出土地申索所達成嘅最終協議，係喺嗰日獲得女皇御准[4]，所以呢區嘅正式名稱叫因紐維阿路葉申索協議區域[暫譯][註 2]（英文：Inuvialuit Settlement Region，簡稱 ISR[2]）或者因紐維阿路葉人申索指定區域[暫譯][註 3]（法文：Région désignée des Inuvialuit，簡稱 RDI[6]）。

1984年達成嗰份協議叫《因紐維阿路葉最終協議》（英文：Inuvialuit Final Agreement，簡稱 IFA[2]）或者《因紐維阿路葉人最終協議》（法文：Convention définitive des Inuvialuit，簡稱 CDI[6]）。

根據1984年達成嘅協議，因紐維阿路葉最終會建立自治政府，但係截至2024年，點樣建立自治政府仲係商議之中，但係已經按最終協議設立咗兩個代表因紐維阿路葉人嘅組織，分別係法人因紐維阿路葉區域[暫譯]（英文：Inuvialuit Regional Corporation；法文：Société régionale inuvialuite[6]）同因紐維阿路葉狩獵管理局[暫譯]（英文：Inuvialuit Game Council；法文：Conseil inuvialuit de gestion du gibier[6]）[2]。

註

[編輯]
  1. ↑ 譯名見：〈首位為加拿大奪得奧運金牌的原住民〉 (繁體中文)。加拿大廣播公司。2024年6月19日。喺2024年7月23號搵到。
  2. ↑ ｢Settlement｣ 呢度係指申索嘅解決方案、索償嘅賠償方案。
  3. ↑ 最終協議對應 ｢Inuvialuit Settlement Region｣ 嘅法文原文只係 ｢la région désignée｣，｢指定地方｣，亦即係指申索當中所指定嘅地方，並唔係真嘅專有名詞[5]:5。

參考資料

[編輯]
  1. ↑ 1.0 1.1 Laboret, Laureen (2022年4月21號). "L'Inuit Nunangat obtient un statut distinct grâce à une nouvelle politique" (加拿大法文). Radio Canada. 喺2024年7月23號搵到.
  2. ↑ 2.0 2.1 2.2 2.3 2.4 "Concluding and Implementing Land and Resources and Self-Government Agreements: Inuvialuit" (加拿大英文). Government of Northwest Territories. 喺2024年7月24號搵到.
  3. ↑ "NWT Plain Facts on Land and Self-government: Inuvialuit Final Agreement" (PDF) (加拿大英文). Indian and Northern Affairs Canada. March 2007. 喺2024年7月23號搵到.
  4. ↑ "Frequently Asked Questions: Inuvialuit Self-Government Agreement-in-Principle" (加拿大英文). Crown-Indigenous Relations and Northern Affairs Canada. 2015年7月21號. 喺2024年7月23號搵到.
  5. ↑ "The Western Arctic Claim: The Inuvialuit Final Agreement" (PDF). Indian and Northern Affairs Canada. 1984. 喺2024年7月24號搵到.
  6. ↑ 6.0 6.1 6.2 6.3 "Conclure et mettre en œuvre les accords sur les droits ancestraux : Inuvialuit" (加拿大法文). Government of Northwest Territories. 喺2024年7月24號搵到.