囧

囧（粵拼：gwing2），或寫做冏，有皓明嘅意思。

近幾年來，網絡上成日用囧來做表情字。咁應該係由「Orz」（失意體前屈）嘅變體「囧rz」之中抽出來嘅，所以基本意思接近「orz」。後來因為呢個字好似訝異、震驚之類表情，所以亦會喺呢啲時候用。

囧嘅通字冏，喺網上有「囧到連下巴都跌落來」嘅意思。

形：(1)鳥飛貌 例：冏然鳥逝 (2)光明貌 例：冏亮

註釋

• 玉篇˙囧部：「囧，大明也。」
• 文選˙江淹˙雜體詩三十首之十八：「囧囧秋月明，憑軒絰麑老。」 註：囧囧 明亮的樣子。
• 李善˙注引蒼頡篇：「囧，大明也。」
• 康熙字典 【丑集上】【囗字部】 囧 ·康熙筆畫：7· 部外筆畫：4
• 【唐韻】【集韻】【韻會】𠀤俱永切，音憬。又伯囧，人名。周太僕。正本作囧，俗訛作冏。見【書·囧命】。又與炯同。
• 【韓愈詩】蟲鳴室幽幽，月吐窗囧囧。【註】囧囧猶炯炯也。炯從火囧。
• 說文解字【卷七】【囧部】𠀤窗牖麗廔闓明。象形。凡囧之屬皆從囧。讀若獷。賈侍中說：讀與明同。俱永切。〖注〗金文囧。銅器銘文。

網上嘅囧文化

喺互聯網時代，「囧」字喺台灣嘅網上討論區社群開始流行，好快亦傳去香港，亦逐漸喺嗰度嘅青少年同埋網上族群開始普及，隨後再傳埋入中國大陸，後來隨着網絡次文化興起，主流媒體開始嘗試引入囧字作為新聞元素，開始喺電影同廣告產業產生效應。

「囧」字因佢嘅楷書外觀好似失意表情，好快喺互聯網上流行^[1]。隨後喺香港，有網民將電視劇《亂世佳人》中嘅演員胡杏兒喺劇中常做嘅委屈八字眉個樣同囧字相比，評論佢嘅演技，進行惡搞，令「囧」字喺網上更加流行^[2][3]。又用個字嘅形象來表示尷尬、無奈、頂唔順或者服咗你等意思^[2]。有啲網民受到Orz嘅啟發，用「囧」代替「O」字，令「失意體前屈」個頭更加寫意，寫成「囧rz」，甚至有人用呢個字開網站^[2]。

對於「囧」字喺網上流行，亦也引起一啲爭議。有人認為應該尊重漢字，用來惡搞比較不雅，有損中華文化嘅厚重感。但亦有人認為對「囧」呢類生僻字嘅關注，有利漢字文化傳播。網絡語言對漢字、方塊字嘅一種重新解讀係一種積極嘅文化傳播現象^[2]。

相關文化

• 電影《囧男孩》
• 電影《人在囧途》
• TVB劇集《囧探查過界》
• 台灣電視節目《爸媽囧很大》
• 電影《泰囧》
• 電影《港囧》
• 電影《囧媽》

參考

1. 引用錯誤 無效嘅<ref>標籤；無文字提供畀叫做囧文化嘅參照
2. 〈今天你囧了嗎有關網上最火漢字的文化爭議〉。《天府早報》。新華網。2008年5月4日。原著喺2012年5月5號歸檔。喺2008-10-10搵到。
3. 網易娛樂 (2008年9月10號)。〈胡杏儿被香港网友封为"胡囧囧" 惨遭恶搞〉 (簡體中文)。温州網。原著喺2009年2月1號歸檔。喺2008-10-10搵到。