城門

城門係香港荃灣同沙田之間一笪地方，原本有城門村呢條大村，因為咁，條村附近一帶都叫城門。城門係一塊高地，周圍高山圍成谷，響起1920年代起城門水塘嗰陣，呢度又叫做城門谷。城門集埋山上面好條多涌做一股，叫城門河，一直向東南流入沙田海。城門地方東有針山，西有大帽山，南有孖指徑三山圍實。

城門有八村，合稱城門八塘，都係客家人，分別係城門老圍、白石窩、碑頭肚、石頭見、芙蓉山、南房肚、大碑瀝同埋張屋，大族係鄭氏，其次有張氏、高氏、羅氏、鄧氏、曾氏。近城門水塘起之前，散分各處。

史

城門個名相傳係來自宋末元初。1277年，丁丑年十一月，元劉深襲淺灣。當時響民響荃灣北面起石城，抵擋劉深。所以，就有城門呢個名。而後尾又有人據石城抗賊。另一說係南明李萬榮曾經針山附近起城，就係所以叫城門。不過城門個傳說未有考古支持，就算有都應該浸響1923年起同1935年加建嘅城門水塘底。

1941年之前，英軍響九龍山脈一帶佈落醉酒灣防綫，經過城門一帶。不過日軍兩日就響城門打穿防線。家下都有留低遺蹟。

村

城門呢條村響城門水塘北岸，因為起水塘嘅緣故，田地盡失，村民亦都迫住要搬。原村響正幾條涌口，地勢比較平。村西有條幾出名嘅大城石澗，就係大帽山流入城門。除咗城門村要搬，上游村都搬埋。佢東北上游原本有Po Tau To，北面上游Shek Tau Kok（石頭角?）同Kin Shan，再跟涌上可以去鉛礦凹。西北上游有Ho Pui（河背?）同Woo Yong Shan（芙蓉山?），連澗遠入大帽有南房肚（Nam Fong To）。

沿河落山，可以東南出谷經菠蘿凹到狐狸峽（今日和宜合村）。

搬村

城門因爲建塘要搬走，主要搬咗去錦田、其次泮涌、再其次係和合石，亦啲散去Nam Shui Po、七星崗、丙崗、鳳園（魚角）、石龍壟。喺新村度，香港政府有爲佢哋開井。一九二八年一月九號有報告。