塘坑係香港一村，喺新界粉嶺以南，近九廣鐵路，英文寫做Tong Hang。行政上歸北區。條村主要圍住個山仔，山仔高約五十米，山仔東同北都有山，形成谷地。另外亦東南沿九廣鐵路伸展，向九龍坑伸，名塘坑東村，地歸大埔區。麻笏河喺塘坑南而北流過。塘坑，舊時確然有塘有坑，塘就喺山仔南面。山坑水仍流，但塘已經埋咗，變咗屋苑頌榮居，隔籬向山嗰邊，變成屋苑數碼都城。鄉事歸粉嶺鄉事委員會，分塘坑上同塘坑下，山仔之北為上，南為下。
塘坑村公所，以及牌坊，都喺南面。南面有塘坑遊樂場，東面山上有塘坑食水配水庫。
22°29′22″N 114°08′56″E / 22.489439°N 114.148998°E / 22.489439; 114.148998
