廣瀨U.FL連接器

U.FL公連接器
一塊RouterBoard 112，上面插住咗R52 miniPCI Wi-Fi卡，同埋SMA（英文：SMA connector）轉U.FL嘅跳接線。

廣瀨U.FL連接器係1991年[1]廣瀨電機（英文：Hirose Electric Group）所出嘅微型同軸（中文：同軸電纜）連接器，接口直徑係2.0 mm，能夠支援高達6 GHz嘅射頻訊號。[2]其他廠商又叫呢一款連接器做MHF[a] [3]、AMC[4]或者UMCC[b]。U.FL 連接器通常用喺小型嘅設備，例如喺智能電話、手提電腦或者嵌入式系統入面連接Wi-Fi、GPS天線。

U.FL嘅母連接器通常會用喺同軸電纜上面，最常見嘅係直徑1.32mm嘅雙屏蔽跳接線（中文：跳接線）；而公連接器就會以表面黏著技術（中文：表面黏著技術）焊喺電路板嘅其中一面，而且只會佔用大約3.0（長）× 3.1（闊）×２.5 mm（高）嘅空間。 [5] [6]基本上所有U.FL連接器嘅特性阻抗（英文：characteristic impedance）都係50Ω。因為U.FL喺設計嘅時候預咗用喺裝置裏頭，唔會俾使用者抆插，所以多數U.FL只係設計到可以抆插30次左右。[7]

雖然廣瀨電機註冊咗U.FL嘅專利[1]同商標，但係其他廠商都以第二啲名推出兼容嘅連接器，例如Sunridge MCB。

W.FL連接器

[編輯]

W.FL（又叫做AMMC[8]、MHF III[9]），係廣瀨電機推出、同U.FL相似嘅同軸連接器，同樣達到6 GHz[10]，但係更加細粒，只有2.0（長）× 2.0（闊）×1.4 mm（高）。 [6]

註釋

[編輯]
  1. ↑ 又叫做「MHF I」，因為後來I-PEX公司又推出咗其他叫「MHF」嘅連接器，但係只有MHF I同U.FL兼容。
  2. ↑ Ultraminiature Coax Connector and Cable Assembly Style A Series, Tyco Electronics

攷

[編輯]
  1. ↑ 1.0 1.1 Surface-mounted, high-frequency coaxial connector. US Patent 5180315 (1993)
  2. ↑ Ultra Small Surface Mount Coaxial Connectors - Low Profile 1.9 mm or 2.4 mm Mated Height U.FL Series. Hirose data sheet.
  3. ↑ MHF I - 9 GHz, 2.5 mm mated height
  4. ↑ "AMC Ultra Miniature Connectors | Amphenol RF". www.amphenolrf.com (英文). 喺2018-10-15搵到.
  5. ↑ IPX datasheet
  6. ↑ 6.0 6.1 "U.FL and W.FL Series Connectors - Hirose │ DigiKey". www.digikey.hk. 喺7 November 2019搵到.
  7. ↑ SMT Ultra-Miniature Coaxial Connectors - Product Specifications
  8. ↑ "AMMC series datasheet" (PDF). 原著 (PDF)喺2021年8月30號歸檔. 喺2021年9月25號搵到.
  9. ↑ "IPEX MHF3 Mini Coax Connector". Wellshow -RF Connector, RF Coaxial Cable Assembly, GSM, GPS, WiFi Antenna Manufacturer. IPEX MHF3 RF coaxial connector is compatible to Hirose W.FL series, Sunridge MCD series, and Amphenol MHC251/ MHC250 series.
  10. ↑ "Hirose W.FL Coaxial Cable Connector". Wellshow Technology. 喺28 January 2015搵到.

拎

[編輯]
維基同享有多媒體嘅嘢：
U.FL connectors