張力，香港親中派政治人物，富力地產嘅創辦人之一。
1953年，張力喺中國廣州出世，1973年左右做咗紡織廠工人，之後佢入咗廣州天河區政府做事，1986年做咗花園村酒店經理。到1980年代尾開始建築事業，到1990年代同香港人李思廉成立咗富力地產。
除咗富力之外，張力同阿仔張量重有其他生意，例如：力量發展、傳遞娛樂等。
2022年，張力因為喺加州做生意嗰陣企圖提供回扣嚟攞到建築項目嘅許可，美國話佢涉嫌行賄而被通緝[1]（但富力官方聲明就話佢喺中國請一個三藩市舊高官食飯而被通緝[2]）。之後佢喺英國倫敦畀人拉咗，可能要引渡去美國受審，張力要以1,500萬英鎊先可以保釋，但佢必須住喺倫敦一間公寓入面，日夜都有保安人員駐守。
喺2021年9月，佢成為香港特别行政區選舉委員會當然委員(港區全國政協委員)[5]。
- ↑ am730 (2022-12-13)。〈富力地產聯席董事長張力倫敦被捕 面臨引渡美國 開市瀉逾一成〉。am730 (中文)。喺2023-04-07搵到。
- ↑ 〈富力地產：張力因宴請三藩市前官員被指控涉嫌行賄 - RTHK〉。news.rthk.hk (臺灣中文)。喺2023-04-07搵到。
- ↑ 〈組織架構 - 香港再出發大聯盟 - 官方網站〉。www.hkcoalition.com。喺2023-11-09搵到。
- ↑ 〈香港再出發大聯盟團結各界〉。www.takungpao.com.hk。喺2023-11-09搵到。
- ↑ 〈一文睇清1448名新選委全名單〉。《香港文匯網》 (中文)。喺2022-08-11搵到。