彭浩翔（Ho-Cheung Pang，1973年9月22號—），香港電影導演，佢啲戲風格獨特，攞咗三個獎，五個提名[1]。
中學畢業後喺亞洲電視做喜劇綜藝節目編劇，喺報紙、雜誌寫影評同小說。1995年為林海峰執導嘅戲《天空小說》寫劇本。1997年，出版長篇小說《全職殺手》，2001年拍成同名電影。
1999年自己畀錢拍同導演短片《暑期作業》，提名台灣金馬獎最佳短片，同參加幾個國際影展。2001年，彭浩翔第一部長片《買兇拍人》得香港電影金紫荊獎最佳編劇同提名香港電影金像獎最佳編劇。2005年，《公主復仇記》參加東京國際電影節。2006年《伊莎貝拉》，成為德國柏林電影節唯一一部入圍華語電影。
彭浩翔啲戲集幽默、恐怖、警匪呢啲元素。而最近嘅《出埃及記》因粗口對白引起注意[2]同討論[3][4] 。