數碼港

香港數碼港
Hong Kong Cyberport
香港數碼港; Hong Kong Cyberport
	香港數碼港
位置
	薄扶林鋼綫灣數碼港道
Coordinates	22°15′42.5″N 114°7′48.77″E / 22.261806°N 114.1302139°E
明細
狀況	Complete

數碼港（英文：Cyberport）係香港一個集科技同數碼內容業務租戶嘅創意數碼社區，由香港特區政府全資擁有嘅香港數碼港管理有限公司擁有同埋管理^[1]。數碼港佔地24公頃，坐落港島南區嘅鋼線灣，離金融商業區唔係好遠。數碼港有大概1,650間企業組成嘅數碼科技社群，當中包括微軟、聯想集團、眾安國際、Gogox、Klook、HyperAir、Bowtie、Shopline及Sleekflow等科技企業。

數碼港社區內設有資訊及通訊科技設施同埋先進嘅寬頻網絡，四座甲級智慧型寫字樓、一間五星級設計酒店同埋一個零售及娛樂商場。

歷史

1999年3月3號，時任香港行政長官董建華發表嘅施政報告提出，香港需要發展資訊科技，以配合一日千里嘅高科技發展，以及應付本地企業對資訊科技嘅需求。此外，施政報告期望發展資訊科技可以使香港從1997年亞洲金融風暴中儘快復原。

因此，香港政府響2000年5月17號同盈科數碼動力（即併購香港電訊前嘅電訊盈科）全資附屬公司香港數碼港管理有限公司簽定協議書，由後者起同埋管理數碼港。協議書訂明，當數碼港落成啟用後，除住宅部分外，所有業權同埋管理權都要畀返香港政府。香港政府豁免數碼港地價78億港元，以及投資10億港元喺鋼綫灣興建基建，其餘建築費需由電訊盈科方面一手包辦。整個項目耗資大概158億港元。電訊盈科可從住宅部分取得利益。香港政府響財政司司長法團下成立咗三家全資擁有嘅私人公司，香港數碼港發展控股有限公司、香港數碼港管理有限公司同埋香港數碼港（附屬發展）有限公司（統稱「數碼港公司」），負責監察數碼港計劃嘅推行。

建築

數碼港商業部份由四座寫字樓、數碼港商場同埋數碼港艾美酒店組成，並響2002年至2004年分批落成，提供合共逾10萬平方米嘅甲級寫字樓，以容納百幾間資訊科技同埋有關產業嘅公司。數碼港艾美酒店係一座有173座房嘅5星級酒店。住宅項目貝沙灣包括大概2,800個高級住宅單位，響2004年至2008年分批落成。

數碼港附設嘅零售及娛樂中心面積有27,000平方米，設施包括商場、戲院、酒店、數碼媒體中心、網絡操作中心、香港無線發展中心、會議及展覽中心同埋公共交通交匯處等。

資訊科技／電訊基建設施同服務

1至10吉比特內部專用網絡
120條頻道衛星電視共用天線系統
IP電話同埋綜合訊息傳送系統
光纖或電纜樓宇布線系統
網絡操作中心
租戶專用數據中心
無線局部區域網絡

設施

數碼港會議及展覽中心（網頁）
科技中心（http://www.cyberport.hk/en/about_cyberport/our_5_centres/technology_centre）
企業發展中心（http://ecentre.cyberport.hk/）
香港移動體驗中心（http://hkwtia.org/）
數碼港艾美酒店（網頁）
數碼港商場（網頁）
GoGYM 健身空間

爭議

響2000年，政府響未經公開招標嘅情況下，將鋼綫灣臨海優質地皮免地價批畀李澤楷嘅盈科拓展，意圖發展成類似美國矽谷嘅高科技中心。不過咁做引起「官商勾結」嘅指控，當時各大地產商都強烈不滿，指政府偏坦李嘉誠家族，幾十名喺商政界有一定地位嘅地產商人到政府總部同董建華會面表示抗議。然而，由於數碼港早年嘅出租率偏低，要靠其中嘅高級住宅減低虧蝕，故此曾經有輿論認為數碼港其實係地產項目多過科研項目。過去就算係咁，數碼港近年嘅出租率已經喺八成以上嘅水平，而主要企業租戶包括有微軟、 CSL、IBM、Eurosport同埋先濤數碼企劃有限公司等。最近更公布投資港幣一億，推動數碼港繼續為具前瞻遠見嘅業內人士提供撥款同埋互惠嘅網絡支援，從而協助香港資訊及通訊科技界別內嘅新成立公司同埋中小企發展，借助Web 3.0等新興市場趨勢帶領業務成功^[2]。

管理層

香港數碼港管理有限公司負責數碼港計劃嘅發展、管理同埋營運。

董事局主席：陳細明先生
行政總裁：任景信先生
首席營運官：鄭希穎先生
首席財務官：李國銘先生
首席企業發展官：陳志恆先生
首席公眾使命官：陳思源先生
首席投資官：陳覺忠先生
項目總監 : 余達彰先生

核心活動領域^[3]

園區創建：發展同埋管理數碼港園區，務求為數碼港建立發展框架以實踐所訂立嘅發展目標，尤其著重積極推動可持續發展嘅方案。
企業發展：營運數碼港數碼娛樂培育暨培訓中心同埋數碼港創意微型基金（CCMF），投入資源以接納更多高發展潛力嘅本地新成立企業同埋創業家，並擴充CCMF嘅規模以激發資訊及通訊科技業界嘅創意同埋創新科技。
科技：應用創新同埋高端科技以提供領先嘅資訊及通訊科技基礎設施，從而推動香港策略性資訊及通訊科技業集中地嘅建立同埋發展。
協作：協助本地資訊及通訊科技業同海外地區響兩大方面合作：商業聯盟同埋人才交流；建立互惠網絡以協助資訊及通訊科技業嘅中小企開拓同埋把握海外同埋內地市場嘅商機。
知識及人才：推動以知識為本嘅計劃，轉化香港成為共融嘅知識型數碼經濟體系；舉辦世界級會議、啟發性培訓同埋比賽，同時促進創造更多資訊及通訊科技業相關嘅職位，同埋推動與數碼共融有關嘅計劃以縮窄數碼鴻溝。