曾鈺成

  提示：呢篇文講嘅唔係曾德成。

曾鈺成
出生日	1947年5月17號  （77歲）
出生地	廣州
國籍	香港、中華人民共和國
母校	香港大學、培僑中學
職業	政治人、太平紳士
政黨	民主建港協進聯盟
兄弟姊妹	曾德成
網站	tsangyoksing.hk
[改維基數據]
睇 傾 改

曾鈺成（2009年）

曾鈺成（2020年）

曾鈺成，GBM，GBS，JP（英文：Jasper TSANG Yok-sing，1947年5月17號—），係香港政黨民主建港協進聯盟嘅創黨主席，廣東廣州出世，祖籍廣東順德，曾經做過香港行政會議非官守成員、香港立法會主席/議員、培僑中學校長同校監。佢曾經協助訓練香港學生參與國際數學奧林匹克。曾鈺成佢同程介南、譚耀宗、陳婉嫻有「民建聯四大天王」嘅之稱，民政事務局前局長嘅阿哥係曾德成。

生平

曾鈺成早年響聖保羅書院就讀，之後升讀香港大學數學系，重以一等榮譽畢業。之後佢到培僑中學任教數學，後來更成為校長。

政途

1995年第4屆香港立法局選舉，佢同民協嘅廖成利爭逐立法會議席，由於佢被揭發老婆已獲得外國居留權，被指對九七後嘅香港缺乏信心，最後畀廖成利擊敗。

九七回歸前後，佢出任臨時立法會議員、香港特別行政區第一屆政府推選委員會委員。

1998年第1屆香港立法會選舉，佢帶頭領軍出戰九龍西選區，為民建聯響九龍西奪得一席，而佢重係民建聯深水埗支部第一任主席。

前行政長官董建華針對政府響立法會缺乏有力而真正嘅支持，所以響董連任後改組政府，將個別親政府政黨嘅黨領導人委任做行政會議成員，為政府發揮「箍票」作用，於是曾鈺成以民建聯主席身份加入行政會議，成為非官守成員。2003年，民建聯大力支持香港基本法第23條儘快立法。七一遊行之後，民建聯響第2屆香港區議會選舉失利，佢表示要為敗選負責而自動辭去主席職務，由馬力接任。但係佢仍然做行政會議成員。

響2004年香港立法會選舉九龍西選區以曾鈺成為首嘅名單得票最多。響哩次選舉，曾鈺成嘅民建聯名單（曾鈺成、鍾港武、李慧琼）得到61,770票，佔九龍西所有有效選票嘅27.13%，比第二名嘅民主黨名單（涂謹申、陳家偉、林浩揚、馬旗）多出1,232票（0.54%）。

2008、2012年轉戰香港島選區，結果佢都順利冧莊，直到2016年正式唔再尋求冧莊。

個人榮譽

勳銜

• 太平紳士（1998年）^[1]
• 金紫荊星章（2002年）^[2]
• 大紫荊勳章（2015年）^[3]

榮譽博士

• 香港城市大學榮譽法學博士（2011年）^[4][5][6]
• 香港公開大學榮譽社會科學博士（2015年）^[7][8]

部分公職

• 中國和平統一促進會香港總會首席顧問^[9]

屋企

曾鈺成有一弟一妹：

• 細佬曾德成係前香港大公報副社長、港區全國人大代表同中央政策組顧問，前任民政事務局局長。
• 細妹曾勵予

攷

1. 〈太平紳士網頁〉 (繁體中文)。香港特別行政區政府太平紳士網頁。
2. 〈二〇〇二年授勳名單〉 (新聞稿) (繁體中文)。香港政府新聞公報。2002年6月30號。
3. 〈二〇一五年授勳名單　附件：二〇一五年獲授勳銜及嘉獎人士的嘉許語〉 (PDF) (新聞稿) (繁體中文)。香港政府新聞公報。2015年7月1號。頁 1。
4. 〈城大將頒授榮譽博士學位予四位傑出人士〉 (新聞稿) (繁體中文)。香港城市大學。2011年6月28號。
5. 〈城大頒授榮譽博士學位予四位傑出人士〉 (新聞稿) (繁體中文)。香港城市大學。2011年11月8號。
6. 〈榮譽法學博士曾鈺成先生〉 (PDF) (繁體中文)。香港城市大學。
7. 〈公開大學頒授榮譽博士學位予四位傑出人士〉 (新聞稿) (繁體中文)。香港公開大學。2015年11月20號。
8. 香港公開大學簡介 - 榮譽博士及院士 | 香港公開大學，香港公開大學 （繁體中文）
9. 〈中國和平統一促進會香港總會有限公司 The Hong Kong Association For Promotion Of Peaceful Reunification Of China Limited〉。www.happrc.hk。原著喺2024-03-15歸檔。喺2024-03-15搵到。

出面網頁

• 曾鈺成嘅官方網站
• 〈香港特別行政區立法會 - 議員資料庫〉 (繁體中文)。香港特別行政區立法會。
• 〈香港政策研究所 - 曾鈺成先生〉 (繁體中文)。香港政策研究所。
• 創會會員 | Founding members，民建聯
• 顧問 | Advisors，民建聯
• 香港網絡大典：曾鈺成
• 曾鈺成嘅facebook頁

首任

民建聯主席 1992年—2003年

繼任： 馬力

Template:香港特別行政區第二屆立法會議員 Template:香港特別行政區第一屆立法會議員