《武則天》片長30集，係講述7世紀後期中國唯一嘅女皇帝武則天傳奇一生嘅中國歷史劇，時間跨度從641年到705年。由陳家林執導，劉大印製片，張天民、冉平、柯章和編劇。中國電影合作製作公司中國文學藝術基金會、中央電視台涿州拍攝基地中國電視劇製作中心、中國華僑影視製作中心於1994年聯合攝製，1995年喺中國中央電視台第二套節目晚間九點檔首播。