武漢肺炎托克勞群島疫情係介紹「武漢肺炎」喺托克勞嘅爆發情形。截至2023年2月4號，托克勞夾埋有5單確診病例，冇人死亡。
托克勞離最近嘅大陸都好遠，加上人口少兼靠外資援助收入，境內既冇機場，又冇直升機場，淨得一個正規碼頭正常出入，出入境要撐艇或揸風帆或搭船先至得。由於武漢肺炎喺2020年1月12號喺中國湖北武漢開始大流行，托克勞政府喺同年月31號宣佈閂嗮冚唪唥出入境道路[1]。甚至喺同年3月20號禁嗮冚唪唥船隻靠近托克勞邊嘅淺灘及閂咗邊境。嗰時因唯一重淨低嘅水路出入境功能都閂埋，所以自然就冇病毒入境。正因為噉，喺2020、2021年全年、同埋差唔多成個2022年都未發生過單武漢肺炎感染案例。
2022年12月13號，托克勞發現確診第一單感染武漢肺炎個案，而且一次性確診5單感染個案[2]。患者係法高弗入面住嘅公民[註 1][2]，喺當日舉辦嘅結婚典禮入面，遊到最東北邊嘅阿塔富檢查站搞核酸檢測時，出現陽性結果而發現[2]。事發之後，托克勞政府宣佈，暫時喺托克勞嗰三個檢查站[註 2]入面延長入境嘅物理隔離時間[2]。