武漢肺炎曲克群島疫情係介紹「武漢肺炎」喺曲克群島嘅爆發情形。截至2022年2月19號，曲克群島夾埋有6單確診病例，暫時冇人死亡。
武漢肺炎喺2020年3月開始全球大流行後，同月中旬即刻取消嗮往返除紐西蘭外嘅國際航班[1]，連非緊急救援都唔例外[2][3]。到3月26號，總理亨利潘拿宣佈全島列入黃色緊急狀態，唔畀搞聚集性活動[4]。同年8月5號，由於祖威廉斯喺紐西蘭惠靈頓感染肺炎過身，政府喺9日後嘅晚黑宣佈全面閂嗮邊境，唔畀任何人出入直到月底最後一日重開[5]，重開之後淨保留咗去紐西蘭屋崙嘅唯一國際航班，不過若果往返曲克群島必經紐西蘭，所以去曲克群島要至少預留個半月時間做隔離期兼核酸陰性先至得。所以喺2020年全年都未發生過單武漢肺炎感染案例。
踏入2021年，曲克群島一直重保持武漢肺炎零確診個案。同年5月初，曲克群島同紐西蘭政府達成協議，從同月17號開始，允許雙方旅客喺唔使隔離14日嘅情況下往返，不過出入曲克群島前，必須要揀紐西蘭（中轉地）或曲克群島（目的地）其一做隔離14日做核酸檢測兼陰性結果先至得[6]。不過開放咗邊境半個月後，同年6月5號出現第一單感染個案[7]，患者係曲克群島籍嘅歸國公民，從埃及搭飛機返嚟，雖然到咗紐西蘭屋崙及到咗曲克群島入境後嘅核酸檢測係陰性，但係喺拉羅湯加參加咗當地嘅節日狂歡後被發現兼確診成爲武漢肺炎嘅無症狀感染者[8][9]。不過呢單嘢未受到任何封城嘅影響，喺2021年6月13號，當地政府重探討開放澳洲旅遊嘅可行性[10]，五日後淨批准短期務工嘅簽證[11]。
同年12月4號，境內又確診單武漢肺炎感染個案，患者係位10歲嘅男仔，喺包機撤僑航班返到曲克群島時確診[12]。
踏入2022年，喺2月14號出現第三單確診武漢肺炎嘅感染個案。患者喺同年2月7號喺紐西蘭轉機過嚟曲克群島，入境隔離第8日時被發現[13]。患者曾經接種過新冠疫苗，感染形式同2021年6月15號當日出現嘅無症狀感染者好相似[13]。出現噉嘅個案之後，雖然政府冇話封城，但係連續5日內陸續出現咗感染武漢肺炎個案[14]。