海上之盟係指北宋末年，宋徽宗為咗「滅遼復燕」同金國結盟，即係所謂嘅「聯金滅遼」嘅軍事盟約。因為當時遼國夾咗喺北宋同埋金國中間，所以宋金嘅談判同埋結盟，雙方使節嘅聯繫只能夠通過海路（渤海）秘密往來，所以呢個聯盟又叫做「海上之盟」。
海上之盟簽咗之後，「聯金滅遼」成功，遼國滅亡咗。不過遼國滅亡以後，宋朝同埋金國無咗遼國作為軍事屏障，所以無得阻擋金兵南下。金宋邊境接壤，加上雙方因為邊方面擁有燕雲十六州而發生衝突，雙方傾唔掂數，金兵南侵宋朝，1126年金兵佔領咗宋朝嘅首都汴京同埋附近中原一帶嘅領土，呢個就係「靖康之變」，而立咗國167年嘅北宋就咁亡咗國。
