海怡半島站
 海怡半島站西面，右下面係C出口（2016年9月） | |
| 站名 | |
| 中文名 | 海怡半島站 |
| 英文名 | South Horizons Station |
| 站代碼 | SOH |
| 基本資訊 | |
| 車站色 | 青色 |
| 途經路線 | 南港島綫 |
| 站服務時間 | 0550-0126 尾班車時間 |
| 接駁交通 | 巴士、小巴 |
| 車站結構 | |
| 站類 | 地底 |
| 月台類 | 1島式月台 |
| 月台數 | 2 |
| 出口數 | 3 |
| 其它設施 | 其它無障礙設施 |
| 地圖 | |
 | |
海怡半島站（粵拼：hoi2 ji4 bun3 dou2 zaam6；英文：South Horizons Station）係香港一個鐵路車站，港鐵南港島綫東段嘅南面總站，喺鴨脷洲海怡半島同鴨脷洲邨一帶，2016年12月28號啟用，擁有港鐵系統中最窄嘅月台（6米闊）。
車站結構
[編輯]一般車站係以混凝土興建，設有防水層防止水由頂部或者牆壁滲入。不過呢個站受原有結構保護，加上受空間限制，因此B出入口頂部由防火板建造，有別於一般車站以混凝土建造嚟配合防水層。
樓層
[編輯]海怡半島站設有一層車站大堂及一層月台，而連接大堂的扶手電梯位於月台（路軌盡頭）的西面，因此車站的大堂及出口均是在車站西面。
| G 地面 |
出入口 | |
| L1 大堂 |
||
| 資訊台（非付費區）、 | ||
| 車站商店、自動客務機、 | ||
| 免費Wi-Fi熱點、洗手間 | ||
| P 月台 |
路軌 | |
|
往金鐘 | |
| 島式月台，左／右邊嘅車門將會打開 | ||
|
往金鐘 | |
| 路軌 | ||
大堂
[編輯]設喺怡南路同海怡路交界、海怡東商場牌樓前面嘅地底，垂直處於月台同路面之間。同利東同埋黃竹坑站一樣，係首批全站不設客務中心嘅港鐵車站，大堂只有資訊台同三部自助客務機，乘客如果遇上票務疑難，需要透過自助客務機嘅視像通話功能向站外職員求助。閘區裏面設有客用洗手間。
商店
[編輯]大堂設有三間商店，包括山崎麵包、7-Eleven便利店同唐記包點。
月台
[編輯]位處海怡半島公共運輸交匯處外面一段怡南路地底，採用島式月台設計，兩個月台位處同一個月台島上面，設有月台幕門。車站位於南港島綫路軌盡頭，往海怡半島嘅列車駛入月台開門後，就會改為相反方向駛離車站。月台同大堂之間以三條升降機同一部升降機連接。
由於南港島綫班次唔頻密嘅關係，平日非繁忙時間同假日，通常只會使用2號月台，而1號月台則喺平日繁忙時間先會使用。
出入口
[編輯]- A - 鴨脷洲邨／海怡半島1-6座
- 鴨脷洲邨、海怡半島1-6座、鴨脷洲社區會堂、鴨脷洲邨街市、香港小童群益會海怡中心、香港南區官立小學、海怡東商場、海怡東街市、海怡寶血小學、海怡社區中心
- B - 海怡半島7-23A座
- 海怡半島7-23A座、蒙特梭利國際學校、海怡西商場、海怡路
- C - 海怡半島25-33A座
- 海怡半島25-33A座、海怡半島17－23A座、海怡半島公共運輸交匯處、怡南路
鄰接車站
[編輯]| 南港島綫 | ||
| 金鐘 - 海洋公園 - 黃竹坑 - 利東 - 海怡半島 | ||
歷史
[編輯]港鐵公司曾經就車站選址提出兩個方案，原本選址喺鴨脷洲邨旁邊嘅海怡路，屬於一個半沉降式車站，特色係車站大堂同出口處於同一層，預計2015年落成。後來因為原本選址有港燈公司嘅電纜阻礙而預計需要延遲3年去到2018年啟用。所以港鐵公司提出另一個選址，就喺怡南路同利南道交界，屬於地底車站。2009年2月，有南區區議員引述港鐵將會採用後者，即係車站會如期落成，有關選址喺刊憲方案得以確認。
2009年7月版本同2010年6月版本嘅刊憲方案圖則嘅切面圖都顯示，車站大堂與兩個月台處於同一層，而大堂位於月台（路軌盡頭）西面，同新加坡地鐵樟宜機場站樓層佈局相近。但係，最終落實嘅設計已經改為將大堂同月台分開兩個樓層。
2016年12月5號，港鐵公司正式公佈喺同月28號通車，比預期延遲咗一年。
特色
[編輯]- 月台只有大約6米闊，係港鐵系統嘅島式月台當中最窄。
- 港鐵系統當中，第一個以「非港鐵屬下私人屋苑」全名作為站名嘅車站。（美孚站毗鄰美孚新邨、第一城站毗鄰沙田第一城、太古站毗鄰太古城、黃埔站毗鄰黃埔花園，雖然都係以「非港鐵屬下私人屋苑」命名，不過唔係全名）
- 車站經常畀坊間人士及傳媒簡稱「海怡站」。
- 港鐵網絡當中（輕鐵以外）第一個英文站名有「Z」嘅中重型鐵路車站。（連輕鐵，共3個）
- A出口指示名稱於通車初期係「鴨脷洲邨／海怡半島一及四期」，長達13個中文字（連標點），於2017年3月初縮短做「鴨脷洲邨／海怡半島1-6座」。
利用狀況
[編輯]車站附近設有海怡半島同鴨脷洲邨兩個大型屋苑，加上鴨脷洲工業區嘅員工喺平日星期一至星期五會利用車站，因此使用量幾高。
接駁交通
[編輯]- 城巴：
- 90、90B、91、91A、93、95C、95P、99、99X、592、595、A10、N90、NA10
- 過海隧道巴士：
- 171、171P、671、671X、X970、N171
- 港島專線小巴：
- 29、29A、37、63
上一站·下一站
[編輯]| 上一站 | 港鐵 | 下一站 | ||
|---|---|---|---|---|
往金鐘
|
南港島綫 | 總站 |
列車班次
[編輯]| 月台 | 方向 | 列車班次（分鐘） | 頭班車 | 尾班車 | |||||
|---|---|---|---|---|---|---|---|---|---|
| 平日上晝 繁忙時段 |
平日下晝 繁忙時段 |
星期六上晝 繁忙時段 |
星期六下晝 繁忙時段 |
星期六 非繁忙時段 |
平日非繁忙時段/ 星期日及公眾假期 | ||||
|
|
|||||||||