熱帶風暴帕布 (2019年)

  呢篇文章講嘅係2019年的熱帶風暴帕布。想搵其他名為帕布的風暴，請睇「颱風帕布」。

熱帶風暴/氣旋風暴帕布 Tropical Storm / Cyclonic Storm Pabuk（英文）
十分鐘平均風速 熱帶風暴 （JMA） 85 km/h（45 kt） 輕度颱風 （CWB） 85 km/h（23 m/s） 熱帶風暴 （KMA） 75 km/h（21 m/s） 熱帶風暴 （HKO） 85 km/h 熱帶風暴 （NCHMF） 85 km/h 熱帶風暴 （TMD） 85 km/h（45 kt） 三分鐘平均風速 氣旋風暴 （IMD（英文：India Meteorological Department）） 85 km/h 二分鐘平均風速 強熱帶風暴 （CMA） 100 km/h（28 m/s） 一分鐘平均風速 熱帶風暴 （JTWC） 95 km/h（50 kt）
1月4號，喺泰國灣達到巔峰强度嘅帕布 1月4號，喺泰國灣達到巔峰强度嘅帕布
概況
形成日期	2018年12月31號
消散日期	2019年1月6號
最低氣壓	994 hPa
瞬間最大陣風	120 km/h
影響
財產損失	約1.57億美元
死傷人數	6死1失蹤
影響地區	越南、泰國、馬來西亞、緬甸
路徑圖
颱風路徑圖 颱風路徑圖
呢個風係2019年北印度洋氣旋季嘅一部分呢個風係2018年太平洋颱風季同2019年太平洋颱風季嘅一部分

熱帶風暴/氣旋風暴帕布（英文：Tropical Storm / Cyclonic Storm Pabuk，國際編號：1901，聯合颱風警報中心：WP362018，印度氣象局編號：BOB 01）喺2019年太平洋颱風季第1個被命名嘅熱帶氣旋。「帕布」（老撾文：ປາດຸກ）一名由老撾提供，係一種大形淡水魚^[1][2]。

帕布喺1月1號下晝2點55分被日本氣象廳升格為熱帶風暴，係西北太平洋有紀錄以嚟最早增強到熱帶風暴嘅熱帶氣旋，打破咗1979年愛麗斯嘅紀錄^[3]。帕布喺南中國海南部形成之後橫過咗泰國，係當地近30年以嚟首個喺非雨季期間吹襲嘅熱帶氣旋，更係68年嚟首個喺1月吹襲泰國嘅熱帶氣旋^[4]；帕布喺之後去到北印度洋，成為呢個海域史上最早達到氣旋風暴強度嘅熱帶氣旋，亦喺繼2001年熱帶風暴畫眉後，首個以熱帶風暴以上強度從西北太平洋跨區到北印度洋嘅熱帶氣旋。

氣象歷史

2018年12月28號，一個低壓區喺南中國海南部形成，美國海軍研究實驗室俾咗佢熱帶擾動編號97W。

12月30號，呢個系統吞併咗喺佢東北方熱帶低氣壓35W嘅殘餘雲帶，聯合颱風警報中心喺凌晨2點直接將佢評級提升去到「中」，並喺第二日提升評級去到「高」，發佈熱帶氣旋形成警報。

12月31號下晝2點，聯合颱風警報中心將佢升格到熱帶低氣壓，俾咗作編號36W；日本氣象廳隨即喺下晝3點15分跟隨，將佢升到熱帶低氣壓，而且同時發佈烈風警報。

2019年1月1號下晝2點55分，日本氣象廳將佢升格到熱帶風暴，畀咗國際編號1901，並命名「帕布」。

1月4號下晝，泰國氣象局宣佈帕布喺洛坤府登陸。

1月4號夜晚，日本氣象廳宣佈帕布離開佢嘅責任範圍，入咗北印度洋，而且表示下一報會由印度氣象局發報。夜晚9時，印度氣象局將佢評定為氣旋風暴，畀咗編號BOB 01。

1月5號朝早，聯合颱風警報中心將佢降格為熱帶低氣壓。並喺一日之後對作發出最後警報。第二下晝，印度氣象局將作降格為強低氣壓。

參考

1. 香港天文台。〈熱帶氣旋名嘅意義〉。喺2018-01-01}（香港繁體）搵到。 {{cite web}}: Check date values in: |accessdate= (help)
2. 交通部中央氣象局。〈颱風百問——颱風喺點樣命名嘅？〉。原先內容歸檔喺2017-11-04。喺2019-01-01搵到。（臺灣正體）
3. 〈年明けて早くも台風1号「パブーク」が発生〉 (日文)。日本氣象協會。2019-01-01。喺2019-01-01搵到。
4. 〈「帕布」逼近泰國旅客疏散 天文台籲注意天氣〉。星島日報。2019-01-03。喺2019-01-04搵到。

睇埋

• 2018年太平洋颱風季
• 2019年太平洋颱風季
• 2019年北印度洋氣旋季

同佢同時出現嘅熱帶氣旋（西北太平洋）：

• 熱帶低氣壓WP012019

出面網頁

太平洋颱風季： 主題頁 - 專題同編輯指南