甚平

兩件頭甚平

甚平，日本傳統衣着，和服一種，住家用，夏日着來透涼，唔係出街見人^[1]。除非夏日睇煙花，男着甚平，女着浴衣。甚平原本只造畀男人同細蚊仔着，後尾變到女人都有。

甚平初見於江戶時代尾，興起於大正年間。初時為一件頭，長袍及膝，右衽，一九六五年轉成兩件頭^[1]，上身短袍下身褲，成為今日流行款式。

甚平多數蔴布做，半袖，以便透氣。佢有啲似作務衣，另一種日本傳統衣着，不過作務衣本身為襌宗僧人出外勞動着^[2]。

甚平之名，眾說紛紜。一說，江戶時代甚兵衞所着，即甚兵衞羽織。按陣羽織為日本戰國時兵士衣着一種。

攷

1. 〈夏の和風ファッション「浴衣」と「甚平」の違い〉。原著喺2022年1月20號歸檔。喺2022年1月20號搵到。
2. 〈作務衣と甚平の違い〉。