社民黨自由黨聯盟

社民黨自由黨聯盟（SDP–Liberal Alliance）係英國一個中間派社會自由主義嘅政黨聯盟，由英國自由黨同英國社民黨造成，喺1981年6月16號成立，去到1988年佢哋正式合併為英國自由民主黨。

喺1981年3月，4名英國工黨議員退黨，成立咗社民黨，冇幾耐佢哋就同自由黨組成非正式聯盟。喺1981年Warrington選區嘅國會補選入面，其中一名社民黨嘅前工黨議員 Roy Jenkins（後嚟成為咗英國自由民主黨黨魁），就以「SDP with Liberal support」嘅名義參選。呢個聯盟去到1981年6月16號正式化，確立大家唔會直接競爭，而且如果夾埋佔議會多數，就會組成聯合政府。

喺1983年，佢哋首次以聯盟名義參與英國大選，攞到23個議席，比起選舉前多咗12席。

而去到1988年，佢哋合併成一個政黨，初初個名叫做社會自由民主黨（Social and Liberal Democrats），但去到1989年10月就再改名做自由民主黨。

不過，兩黨都有啲成員拒絕加入新黨，留咗喺原有嘅社民黨或者自由黨。但合併後原有嘅兩個政黨，喺政治影響力方面都大不如前。