立法院院長

中華民國立法院院長
中華民國立法院院徽
現任 韓國瑜 2024年2月1日就任
尊稱	國會議長、立院龍頭
類別	國會議長
任命者	由立法委員自己互選
任期	4年，連任嘅次數無限制
首任	胡漢民（行憲之前） 孫科（行憲之後）
設立	1928年（行憲之前） 1948年（行憲之後）
副職	立法院副院長
網站	www.ly.gov.tw

立法院院長係立法院嘅阿頭，即係中華民國嘅國會議長，由立法委員互相投票產生，同立法委員嘅任期一樣。佢嘅職權包括督導同監管立法院嘅委員會、組織立法院嘅決策程序同行政議事、同埋負責召集立法院院會。立法院喺台灣全面改選之後，全部嘅立法院院長都喺台灣出世。而家嗰個院長係民主進步黨籍嘅游錫堃。

職權

喺萬年國會嗰陣嘅時候，立法院院長由1988年去到1991年期間曾經動用過六次警察權嚟對付在野黨嘅立法委員（劉闊才用過2次、梁肅戎用過4次）。自從1992年國會全面改選之後，劉松藩同埋王金平兩位院長都主張「國會自治」嘅原則，都未曾動用過警察權，王金平亦都因為咁而得到公民監督國會聯盟嘅肯定^[1][2][3][4]。2020年7月，監察院院長被提名人陳菊喺大批警力嘅包圍下入到立法院接受審查，引發當時立法院院長游錫堃究竟有冇動用到警察權嘅爭議^[5]。

攷

1. 〈「老賊時代」立院動過6次警察權〉。《自由時報》。2012-06-19。原著喺2012-09-16歸檔。
2. 〈王金平樹立院長權威〉。《蘋果日報 (台灣)》。2005年9月28號。原著喺2013年10月2號歸檔。
3. 金恒煒 (2005年10月12號)。〈王金平「造反有理」〉。《新台灣新聞周刊》。原著喺2013年10月2號歸檔。
4. 〈第八屆第一會期 立法院正副院長暨黨團幹部 評鑑報告書〉。公民監督國會聯盟。2012-11-21。原著喺2013年6月27號歸檔。
5. 〈「萬年國會」時代議長曾6度出動警察對付立委　近30年未再動用〉。《蘋果新聞網》。2020年7月16號。