華英中學
提示：呢篇文講嘅唔係英華書院。
華英中學（英文：Wa Ying College，縮寫 WYC，簡稱華英），喺香港九龍城區何文田常和街8號，係一間津貼男女子中學，辦學團體係香港基督教循道衛理聯合教會。校史可以追溯到1913年喺廣東佛山創校嘅華英學校（1946年開始叫華英中學），1952年因為中共建政而被逼停辦，到1971年由佛山華英中學嘅舊生喺香港恢復創辦。
校舍用咗近五十年之後，2018年教育局接納咗華英中學嘅原址重建申請。原訂計劃係喺2021年9月搬入新蒲崗嘅前文理書院（九龍）校舍作為臨時校舍，而原址會起過一座提供30間課室嘅後千禧校舍（由梁黃顧建築師事務所設計），預計重建為期三年[1][2]。不過喺2021年5月19號，香港政府決定暫時撤回華英中學嘅重建計劃嘅4.7億元撥款申請，原因係未獲主導立法會嘅建制派議員支持計畫。由於之前討論期間梁美芬暗指華英中學曾參與反修例事件（華英中學校長尹志華曾經喺反修例運動期間，喺《華英家書》呼籲政府「擱置沒有迫切性而又造成嚴重分裂」嘅逃犯條例），俾教協同民主黨人士認為，親中派係以政治原因封殺撥款[3][4]。
學校概況
[編輯]辦學宗旨
[編輯]| 「 | 本基督精神，發展全人教育；藉宣講福音，培育學生活出豐盛生命，傳承勤學儉樸、尊師愛校之優良傳統。
|
」 |
校訓
[編輯]「合作、關懷、服務」
校徽
[編輯]香港華英嘅校徽保留佛山華英傳統，表示以基督精神為基礎，培訓學生成為博學多才、品格完美嘅中華精英。
- 「五道光芒」：代表德、智、體、群、美五育，係完美之人格光照世界。
- 「鐵砧」：代表以科技振興中華。
- 「百科全書」：代表博學多才。
- 「聖經」：代表以聖經為基礎，同時，華英又以「合作、關懷、服務」為校訓，發揚佛山華英「愛母校、愛師長、愛同學」嘅優良傳統。
參考
[編輯]- ↑ 立法會教育事務委員會 8097EB — 九龍常和街 8 號華英中學重建計劃
- ↑ "A New Chapter of Wa Ying College - Wa Ying School News". 原著喺2021年1月21號歸檔. 喺2021年5月21號搵到.
- ↑ 〈政府暫撤華英中學重建撥款申請 葉建源：以政治原因封殺撥款〉。《Now 新聞》 (香港中文)。喺2021-05-21搵到。
- ↑ 〈重建觸礁傳因反修例 華英：續教學生不暴力 - 20210520 - 教育〉。《明報新聞網 - 每日明報 daily news》 (繁體中文)。喺2021-05-21搵到。
