袁庚

袁庚
出世	(1917-04-23)1917年4月23號
死	2016年1月31號(2016-01-31)（98歲） 中國廣東深圳南山區蛇口
出名原因	中華人民共和國改革開放探索者 提過「時間就係金錢」同「效率就係生命」口號嘅人

「時間就係金錢，效率就係生命」係袁庚喺深圳蛇口提出嘅口號

袁庚，GBS（粵拼：jyun4 gang1；1917年4月23號—2016年1月31號），曾用名歐陽汝山（au1 joeng4 jyu4 saan1）同歐陽珊（au1 joeng4 saan1），係前招商銀行董事長兼中華人民共和國改革開放嘅緊要探索者，廣東省寶安縣大鵬鎮（今日嘅廣東省深圳市龍崗區）客家人。從1939年3月加入中國共產黨之後，做過東江縱隊聯絡處處長、東江縱隊港九大隊上校、三野二縱隊四師參謀處副處長、兩廣縱隊炮兵團團長、中共駐香港辦事處主任、胡志明顧問、香港招商局常務副董、蛇口工業區黨委書記。重參加過黃譚戰鬥、南麻臨朐戰役、昌濰戰役同濟南戰役。

中華人民共和國成立之後，先後做過中國駐印尼總領事館領事、招商局集團原常務副董事長、招商局蛇口工業區和招商銀行、平安保險等企業創始人。1981年春喺深圳蛇口開工廠時提過「時間就係金錢」同「效率就係生命」嘅口號^[1]。2003年獲香港特別行政區政府頒咗金紫荊星章畀佢^[2]。

2016年1月31號凌晨4點，佢喺深圳蛇口因病冇得醫死咗，終年98歲^[3]。

註

1. 中国改革缔造者袁庚：首提时间就是金钱 效率就是生命 新浪 （2016-02-01）
2. 袁庚獲頒授金紫荊星章^{[失咗效嘅鏈]} 招商局集團
3. 〈袁庚逝世〉。招商局集團。原著喺2016-02-04歸檔。喺2016-01-31搵到。