西環 (四環)

西環日落

西環（Sai Wan），原稱西灣，又叫西區（Western District或Western），係香港地名，喺香港島北岸，香港城四環之一。西環有窄義，收窄專指堅尼地城一帶，或七號差館一帶，因爲同West Point混合之故。而香港城嘅西環，東起東邊街，過西營盤、石塘嘴、堅尼地城、摩星嶺，西到域多利道，而南便係薄扶林。

史

早期嘅歷史唔喺咁清楚，清代嘉慶二十四年（ 西元一八一九年）出版嘅<新安縣志>未有西環嘅記載.

環係唐人對聚居地嘅法。

英國人北岸開香港城，唐人先後居近英人。先有中環及上環，後有下環。但當時未有西環，因爲西環未填海，只有西灣，卽係擸𢶍灣，洋名卑路乍灣。西灣有村。香港人由上環向西批地，有西營盤，有石塘嘴。之後西灣填海，伸到堅彌地城。及來英人順應唐人分法，香港城分成四環九約。西環係其中之一。

舊陣時四環中嘅西環，係港島好背嘅地方。好多中國各地船隻，泊響呢處，帶旺呢個環頭嘅咕喱同埋貨倉。第二次世界大戰之前，石塘嘴係有錢人飲宴應酬之地。

一九九七年，香港主權由英國移交中國。而香港中聯辦位於西營盤干諾道西一百六十號，同西區警署相隔一街。由於西營盤位處闊義西環，同香港政府嘅中環一對。時人亦諷之爲西環，視爲中國干政。周潤發並不同意該地叫西環，指正嗰處係西營盤同石塘咀中間^[1]。

風物

區內有好多舊式樓宇，即如太白台。戰前有錢唐人鍾意喺呢度打蠆，貪佢空氣好又望到海。戰後樓宇日久失修，外表殘舊。

交通

西環嘅堅尼地城係電車西面嘅終點。

註

1. 壹週刊S020-022。周潤發，回歸十五年，做個勇敢香港人 搵食就係核心價值 。「雖然發哥說，大家最關心搵食，但他卻支持市民繼續遊行，繼續去中聯辦抗議：『我要糾正一樣嘢，那裡不叫西環，因為我喺西環長大的，那裡是西營盤同石塘咀中間。』」