郊野公園係畀人享受旅遊嘅郊野地方，同一般嘅公園唔同，郊野公園大部份地方都係保留咗郊野嘅原貌。
「郊野公園」呢個名源自英國。喺英格蘭同威爾斯地區，有大約 270 個郊野公園[1]。大部份郊野公園都係英國政府喺1970年代根據 Countryside Act 1968 所劃出嚟。近年因為缺乏經濟支持，新嘅郊野公園少咗。而除咗小部份嘅私營郊野公園之外，大部份都係由地方部門管理。
香港喺殖民地時期，都跟住英國劃出22個郊野公園。香港政府喺 1976年制定《郊野公園條例》，將香港四成嘅地方劃為郊野公園。而喺1996年頒佈嘅《海岸公園及海岸保護區規例》將保護區加埋香港海洋環境。至 2005年，香港共有 23 個郊野公園、17 個特別地區以同 5 個海岸公園同海岸保護區。
郊野公園存在嘅目的係畀市民享受郊野、教育設施、保護大自然（闢設特別地區嘅目的）。