醉酒灣
醉酒灣（Gin Drinkers Bay，舊時叫垃圾灣，Lap Sap Wan）係舊時香港葵涌一個大海灣，駁住藍巴勒海峽，家下已經填晒。今日醉酒灣係指藍巴勒海峽東岸，葵涌外邊一個避風塘。
地理
[編輯]醉酒灣個範圍好大，幾乎現在葵涌所有平地，都由個灣填出來，包括今日嘅葵興，葵芳，葵涌貨櫃碼頭。
原灣係三角型，最入係葵涌嘅出海口，而個灣出口有青洲守住。個灣岸邊多數係崖，所以灣邊好少村落。而最入葵涌涌口有葵涌村，岸邊地勢平好多。佢東岸近葵涌有大連排一行石。醉酒灣海面因為有羣山圍住，可以擋風，所以係水上人停船嘅地方。
第二次世界大戰嗰時，香港九龍嘅防綫，即係醉酒灣防綫，就係呢個灣做起點。
1960年代，呢個灣開始填海，水上人被迫要搬遷往對面青衣島，將艇停在青衣塘同門仔塘。
填海後，填地用咗做垃圾堆填區，1979年停用改建葵涌公園，1992年公園準備開放時發現沼氣超標，要無限期停用，公園其中一部分在2009年興建香港賽馬會國際小輪車場，配合2009年東亞運動會比賽。