馬儒翰

馬儒翰（John Robert Morrison；1814年 4月17號—1843年 8月29號），係英國通事，亦係傳教士。佢喺澳門出世，係名傳敎士馬禮遜嘅第三個細路，第二個仔。返過英國受敎育，亦跟過老頭去馬六甲英華書院，學過唐話，因此佢寫過唔少繙譯，好似《聖經》咁。香港開埠佢有份幫手，供職香港政府，職務爲輔政司。不過佢無耐喺香港發燒而死，可能死喺當時未爲人所知，攞咗好多人命嘅發冷病。

職

馬儒翰一開埠就喺香港政府做事。由於香港總督長期在外，處理與大清之問題，馬儒翰打理唔少香港開荒事宜。

馬儒翰喺一八四三年八月卅一號死，當時寫佢朝早死去^[1]。時值香港夏季疫症肆虐，香港可以去得澳門避就避。早幾日，廿五號，連政府官員都搬到澳門，過咗成個月先返香港。