黃毓民

黃毓民
出生日	1951年10月1號  （73歲）
出生地	英屬香港
國籍	中華人民共和國、英國
識嘅語言	英文
信奉	基督教
母校	香港珠海學院
職業	政治人
政黨	人民力量、社會民主連線、中國國民黨、普羅政治學苑
[改維基數據]
睇 傾 改

黃毓民喺新亞書院。

黃毓民（1951年10月1號—），學名誼道，美國民主黨鐵粉，Donald Trump Hater，花名「教主」、「癲狗」，係香港本土派政治人。

佢係激進民主派社會民主連線創黨主席，以及普羅政治學苑、癲狗周刊以及癲狗日報嘅創辦人。2008至2016年做第4、5屆香港立法會議員。佢主持節目言論火爆所以俾人叫「癲狗」^[1]。

屋企

黃毓民祖籍廣東陸豐，香港出世。老婆江金滿係臺灣人。兩公婆生咗三個仔：大仔特漢（原名特禮）、二仔特舜、細仔特孝。長孫（特漢個仔啟聖）喺2008年出世，另一個孫喺2016年出世。曾經喺旺角開過一間台灣牛肉麵鋪頭^[2]。

2020年1月11號晚黑8點，黃毓民喺Facebook發帖指二仔特舜喺美國突然逝世，未有透露死因^[3]。

早年

佢喺珠海書院新聞系同傳播系教過書，做過系主任，所以又有人叫佢做「流氓教授」^[4]。

1993年喺亞洲電視主持《龍門陣》節目而出名，又喺香港商業電台主持過《毓民七鐘敘》、《政事有心人》等烽煙節目。黃毓民對台港事務同中國文化歷史都好有研究^[5]。

• 媒體製作：黃毓民主持節目，言論火爆兼青筋暴現，所以畀人安個花名叫「癲狗」。佢唔介意呢個稱呼，重出過報紙雜誌叫做《癲狗日報》同《癲狗週刊》，之後摺埋。2018年3月18號，癲狗日報推出網上版復刊。佢而家搞網台Myradio，同主持部份節目。

從政

開始

2006年中開始組織政黨「社會民主連線」，又做埋社民連發言人。2008年喺九龍西選區當選立法會議員。

掟蕉

2008年，佢曾經嚮曾蔭權讀施政報告嗰時，因為生果金件事唔滿意而喺立法會掟蕉。

「真不該」

2009年3月24號，陳偉業响財務委員會特別會議期間批評林瑞麟，認為官員為咗去四川探熊貓就趕住去，香港市民响內地有困難要協助嗰陣特區政府就懶理。林瑞麟居然回答內地事務特區政府係冇得插手干預，否則就係唔尊重中央政府。面對如此涼薄言論，黃毓民有感而發講咗句：「仆街啦快啲去！」句說話引起網民關注^[6]。其後唐英年高調批評及發信立法會批評呢件事。

3月27號，梁國雄响財委會特別財委會發言，使用「仆街」反駁唐英年嘅投訴。署理教育局長陳維安向主席劉慧卿表示不滿。劉裁定梁語言粗鄙，梁不滿裁決，講多次「仆街」來反駁，跟住自己離席走咗^[7]。

4月2號，黃毓民响立法會會議用北方話發言批評財政預算案，指預算案犯九宗罪，認為財政司曾俊華做咗「不該」做嘅嘢^[8][9]。「真不該」字面意思即係「真係唔應該」，不過北方話讀「真不該」（bù gāi）聽落似粵語「真仆街」（puk1 gaai1）。

五區公投

2010年1月，黃毓民、陳淑莊、梁家傑、陳偉業同梁國雄5位議員一齊辭職，並參加補選，話借補選畀市民搞「變相公投」，為香港2012年政改方案表態^[10]，即係「五區公投」。結果，毓民喺補選攞到 60,395 票，成功重返立法會^[11]。

「票債票償」行動

内文：票債票償

2011年，黃毓民退出社民連，並另起爐灶成立人民力量，針對民主黨同民協喺2010年就香港2012年政改方案投贊成票，要喺第4屆香港區議會選舉入面向佢哋狙擊，將佢哋拉落馬。但係，由於人民力量同時亦有同公民黨、社民連（公社兩黨）嘅候選人直接競爭，加上佢哋嘅行動成功嘅話，就係令親政府陣營增加議席，所以有啲人會認為佢咁做係中共背後策劃，對部分泛民主派人士進行鎅票^[12]。

連任立法會

2012年，黃毓民成功冧莊立法會議員。

掟杯

2014年，因為對梁振英嘅施政倒行逆施表示反感，而喺立法會掟玻璃杯，之後俾政府告，對薄公堂好耐之後，終於打甩咗單管司。

淡出

2016年，黃毓民夥拍馬愉生參加第6屆香港立法會選舉九龍西選區地區直選，票數僅僅輸畀以最少票當選嘅青年新政游蕙禎，連任失敗。之後，佢多次公開話自己唔會再去參選立法會，不過佢嘅言論依然影響到政局，公司同事馬愉生亦有喺2019年參選區議會，結果馬愉生落選。2020年，因應香港國家安全法，黃毓民移居台灣。

大氣同網絡電台主持

商業電台雷霆881

• 《成人知己》（1994年）
• 《毓民七鐘聚》（1995年，逢星期一至五 19:00）
• 《傳媒監察力》（1995年—2000年）
• 《政事有心人》（1995年－2004年5月，逢星期一至五 19:00）
• 《不談風月》（2004年10月－2005年7月，逢星期六 23:00－00:00）

MyRadio

• 《毓民踩場》（2007年2月－ 而家，逢星期一同星期四 22:00－23:30）
• 《歷史在笑（壹）五四運動》（2013年1月－12月18號，逢星期三）
• 《大香港早晨》（2014年3月17號－2017年3月31號 同熱血時報聯播，逢星期一同五 08:00－10:00，2017年3月31號開始冇聯播）
• 《毓民踢爆》（2016年10月12號－而家，YouTube同Facebook直播，逢星期一同五 不定時）
• 《毓民會客室》第一季（2017年2月4—5月6號，逢星期六22:00—23:00）
• 《歷史在笑（貳）容共與清黨》（2017年5月20號— 而家，逢星期六22:00—23:00）
• 《今晚開你波》（2017年8月15號— 而家，逢星期二21:00—22:00）
• 《那些年》（2017年12月— 而家，逢星期六23:00—23:30）

東網電視

• 《可大可小》、《毓民踢爆》（2008年5月－？）
• 《毓民特區》（2018年-）

著作

書名	出版社	出版年份	ISBN
神州巨變同台灣風雲[1]	新境傳播公司	1989年12月
中國心香港情：黃毓民政論集	創建出版有限公司	1995年
毓民踢爆	壹出版	1995年
黃毓民短打[2]	壹出版	1996年	ISBN 9789625771618
近思隨寫錄	《Cyber日報》出版社	2000年
歷史幾狼都有──十大帝王	經濟日報出版社	2005年7月	ISBN 978-962-6782-74-3
歷史幾串都有──十大權臣[3]	天窗出版社	2006年7月	ISBN 978-988-9910-38-9
無所不為而有所不容[4]	次文化堂	2007年	ISBN 978-962--992-196-5
冇抗爭邊有改變[5]	次文化堂	2008年	ISBN 978-962--992-196-5
毓民議壇搞事錄	明報出版社	2009年8月	ISBN 9789888026425
歷史幾絕都有──十大敗家君王	明報出版社	2010年7月	ISBN 978-988-8081-02-8
人民最大──五區公投實錄[6]	明報出版社	2010年7月	ISBN 9789888081011
快樂政治	普羅政治學苑	2012年7月	ISBN 9789881649911
偽民主派賣港實錄[7]	普羅政治學苑	2012年8月	選舉文宣
予豈好辯哉 - 毓民議壇搞事錄續篇[8]	普羅政治學苑	2012年12月	ISBN 9789881649928
我到法庭自辯	普羅政治學苑	2013年
本土‧民主‧反共－黃毓民政論集	普羅政治學苑	2014年7月
歷史幾「掯」都有－十大權傾天下女人	普羅政治學苑	2015年7月
比橡皮圖章更不堪－香港立法機關崩壞實錄	普羅政治學苑	2015年7月	ISBN 9789881649980
公投制憲 香港維新	普羅政治學苑	2016年7月
從議會抗爭到司法抗爭－－我到法庭自辯之襲擊梁振英	普羅政治學苑	2017年1月	ISBN 9789887721307

參考

1. 〈激進派黃毓民稱退出政壇 籲年輕人勿盲動〉。《法國國際廣播電台》 (中文)。2017-04-15。
2. 《毓民牛肉麵真人蘇》 (英文)，喺2020-01-14搵到
3. 沙半山 (2020-01-11)。〈黃毓民fb：次子美國突然去世　全家哀痛逾恆〉 (繁體中文)。香港：香港01。
4. 〈黃毓民被邊緣化暴跳如雷〉。大公網。原著喺2009年4月20號歸檔。喺2008年5月13號搵到。
5. 〈黃毓民洛城演講會〉。原著喺2009年4月20號歸檔。喺2008年5月13號搵到。
6. YouTube影片︰陳偉業-激! 林柴同意阿爺只准探畜生(熊貓)不准探人的所謂共識@24MAR09 (留意 3:26)
7. 梁國雄再在立會講粗口 互聯網檔案館嘅歸檔，歸檔日期2009年3月30號，.，《星島日報》，2009年3月27日。
8. 星島日報：黃毓民普通話罵曾俊華 互聯網檔案館嘅歸檔，歸檔日期2009年4月5號，.，2009年4月2日。
9. 星島日報：社民連玩粗口諧音罵高官 互聯網檔案館嘅歸檔，歸檔日期2009年4月8號，.，2009年4月3日。
10. 公社兩黨歧見中啟動「公投」^{[失咗效嘅鏈]}
11. 〈附錄四 選舉結果〉. 2010年立法會補選報告書 (PDF) (報告)。喺2019-09-27搵到。
12. 朱國斌、朱世海 (2015)。《中央與特別行政區關係專論》。頁 160。

出面網頁

• 〈香港特別行政區立法會 - 議員資料庫〉 (繁體中文)。香港特別行政區立法會。
• YouTube上面嘅黃毓民嘅頻道