Acanthaceae
| Acanthaceae | |
|---|---|
| |
| Die blomme van die swartoognooi, Thunbergia alata. | |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | Acanthaceae |
| Subfamilies | |
|
Acanthoideae | |
Acanthaceae, of die akantfamilie, is ’n familie blomplante met 250 genera en sowat 2 500 spesies. Die meeste is tropiese of subtropiese kruidgewasse, struike of klimoppe wat in Maleisië, Afrika, Brasilië en Sentraal-Amerika voorkom; sommige is epifiete. Net ’n paar spesies kom in gematigde streke voor. Dit word in feitlik enige habitat aangetref, van woude tot kusstreke.
In Suid-Afrika is daar sowat 30 genera en 200 spesies,[3] hoofsaaklik in die somerreënvalstreke.
Eienskappe
[wysig | wysig bron]Plante in die familie het eenvoudige, teenoorstaande blare wat getand of gelob is, sonder steunblare. Die blomme is sigomorf (tweesydig simmetries) en vyftallig, met amper vry kelkblare. ’n Kleurryke skutblaar dra gewoonlik elke blom; in sommige spesies is die skutblaar groot en uitspattig. Die vrug, wat tweehokkig is, bevat min sade. Die sade word uitgeskiet wanneer die vrug oopbars.
’n Spesie wat gewild is in gematigde streke, is die wilderabarber (Acanthus mollis), ’n kruidagtige meerjarige plant met groot blare. Die swartoognooi (Thunbergia alata) kom van tropiese Afrika tot in KwaZulu-Natal voor en die sakemansplant (Justicia capensis) in die Oos-Kaap en Griekwaland-Wes.
Verwysings
[wysig | wysig bron]- ↑ 1,0 1,1 "Family: Acanthaceae Juss., nom. cons". Germplasm Resources Information Network. Amerikaanse departement van landbou. 17 Januarie 2003. Geargiveer vanaf die oorspronklike op 21 September 2012. Besoek op 29 Julie 2011.
- ↑ Angiosperm Phylogeny Group (2009). "An update of the Angiosperm Phylogeny Group classification for the orders and families of flowering plants: APG III" (PDF). Botanical Journal of the Linnean Society. 161 (2): 105–121. doi:10.1111/j.1095-8339.2009.00996.x. Besoek op 6 Julie 2013.
- ↑ Ensiklopedie van die Wêreld, Deel I. 1971. N.V. Uitgeversmaatskappij, Amsterdam, Nederland.
Eksterne skakels
[wysig | wysig bron]- Commelinaceae Geargiveer 6 Februarie 2007 op Wayback Machine in L. Watson and M.J. Dallwitz (vanaf 1992). "The families of flowering plants" Geargiveer 3 Januarie 2007 op Wayback Machine: beskrywings, illustrasies en inligting by delta-intkey.com
Wikimedia Commons het meer media in die kategorie Acanthaceae.
Wikispecies het meer inligting verwant aan Acanthaceae
Hierdie artikel is vertaal uit die Engelse Wikipedia
