Airbus A330

Airbus A330

A300 · A310 · A318 · A320 · A330 · A340 · A350 · A380

'n Lufthansa A330-300 nader landing op Lughawe Frankfurt in 2010
Tipe Wyeromp passasierstraler
Vervaardiger Airbus
Ontwerp deur Airbus
Nooiensvlug 2 November 1992
Vrygestel 17 Januarie 1994 met Air Inter
Status In gebruik
Hoofgebruikers Air China
China Eastern Airlines
Cathay Pacific
Delta Air Lines
Vervaardig 1992–huidig
Aantal gebou 1 571 teen 31 Mei 2023[1]
Eenheidskoste
  • A330-200: VS$221.7 miljoen of sowat €163.9 miljoen (2014)[2]
  • A330-300: VS$245.6 miljoen of €181.5 miljoen (2014)[2]
  • A330-200F: VS$224.8 miljoen of €166.1 miljoen (2014)[2]
Ontwikkel van Airbus A300

Die Airbus A330 is 'n wyeromp tweemotorige straalvliegtuig wat deur Airbus vervaardig word. Verskillende weergawes van die A330 het reikafstande van 7 400 tot 13 430 kilometer (4 000 tot 7 250 seemyl) en kan tot 335 passasiers in 'n tweeklasuitleg vervoer of 70 ton (150 000 pond) vrag dra.

Die oorsprong van die A330 dateer uit die 1970's as een van verskeie afgeleides van Airbus se eerste vliegtuig, die A300. Die A330 is in parallel met die A340 ontwikkel, wat baie algemene vliegkomponente deel, maar verskil ten opsigte van die aantal enjins. Beide vliegtuie gebruik elektroniese "fly-by-wire" vliegbeheertegnologie wat die eerste keer in 'n Airbus gebruik is op die A320, sowel as die A320 se ses-vertoonskerm glaskajuit. Na bestellings van verskeie kliënte ontvang is, het Airbus in Junie 1987 die A330-projek geloods om die A340 aan te vul. Die A330 word Airbus se eerste vliegtuig met 'n keuse van drie enjins: General Electric CF6, Pratt & Whitney PW4000 en die Rolls-Royce Trent 700.

Die A330-300, die eerste variant, onderneem sy nooiensvlug in November 1992 en begin passasiersdiens met Air Inter in Januarie 1994. In reaksie op dalende verkope, het Airbus dit opgevolg met die effens korter A330-200 variant in 1998. Verdere ontwikkeling in A330-variante sluit in 'n toegewyde vragvliegtuig, die A330-200F, en 'n militêre tenker, die A330 MRTT. Die A330 MRTT het die basis gevorm van die voorgestelde KC-45 vir die Amerikaanse Lugmag se KC-X-tender in samewerking met Northrop Grumman, maar dit verloor later teen Boeing se tenker-voorstel.

Sedert sy bekendstelling het die A330 heelwat bygedra om Airbus se markaandeel te vergroot vir wyerompvliegtuie. Rederye het die A330 gekies as 'n plaasvervanger vir minder ekonomiese driestralers en ook mededinger-tweestralers. Boeing het weergawes van die 767 en 777 as mededingers op die mark, asook die 787, wat in diens gestel is in November 2011. Airbus se A350 sal ook deel word van hierdie wyerompvliegtuigmark. Die grootste operateur is Air China wat 41 A330's in sy vloot het. Daar word verwag dat die A330 se goeie verkope sal voortduur tot minstens 2020. Teen Oktober 2015 het die A330 se bestelboek op 1 439 gestaan, waarvan 1 230 reeds afgelewer is. Die Turkse Lugredery bedryf die meeste A330's en het 53 in sy vloot.[1]

Tydlyn Airbus A3xx-reeks

[wysig | wysig bron]
1970 1980 1990 2000 2010 2020
0 1 2 3 4 5 6 7 8 9 0 1 2 3 4 5 6 7 8 9 0 1 2 3 4 5 6 7 8 9 0 1 2 3 4 5 6 7 8 9 0 1 2 3 4 5 6 7 8 9 0 1 2 3 4 5 6 7 8 9
A220
A300
A310
A318
A319 en A319neo
A320 neo
  = In produksie A321 en A321neo
  = Uit produksie A330 en A330neo
  = Toekoms A340
  = Toekomstige modelle A350
A380


Verwysings

[wysig | wysig bron]
  1. ↑ 1,0 1,1 "Airbus orders and deliveries" (XLS). Airbus S.A.S. 31 Mei 2023. Besoek op 7 Junie 2023.
  2. ↑ 2,0 2,1 2,2 "Airbus aircraft 2014 average list prices". Airbus S.A.S. Geargiveer vanaf die oorspronklike (PDF) op 3 Februarie 2014. Besoek op 31 Januarie 2014.
Hierdie artikel is in sy geheel of gedeeltelik vanuit die Engelse Wikipedia vertaal.