Alitalia

Alitalia
'n Airbus A330 in Alitalia-kleure
IATA: AZ
ICAO: AZA
Roepsein: ALITALIA
Gestig:
  • 16 September  1946 (1946-09-16)
    (as Alitalia - Linee Aeree Italiane S.p.A.)
  • 12 Januarie  2009 (2009-01-12)
    (Alitalia - Compagnia Aerea Italiana S.p.A.)
  • 1 Januarie  2015 (2015-01-01)
    (Alitalia - Società Aerea Italiana S.p.A.)
Begin vlieg: 5 Mei 1947 en
13 Januarie 2009
Staak diens: 15 Oktober 2021
Ondernemingsvorm: Aandelemaatskappy
Hoofkwartier: Fiumicino, Italië
Hooflughawe: Leonardo da Vinci–Fiumicino
Voorsitter: Luca Cordero di Montezemolo
Hoof- uitv. beampte: Cramer Ball (tot sluiting)
Bonusprogram: MilleMiglia
Alliansie: SkyTeam
Bestemmings: 92[1]
Vloot: 106 vliegtuie
Webtuiste: alitalia.com

Alitalia was die vlagdraer en nasionale lugredery van Italië en op 'n tyd die 19de grootste ter wêreld.[2] Die lugredery se hoofkwartier was in Fiumicino, Italië en sy spilpunt was die Lughawe Leonardo da Vinci–Fiumicino naby Rome.[3] Die naam "Alitalia" is 'n Italiaanse samevoeging van die woorde Ali (vleuels), en Italia (Italië).[4]

Finansiële geskiedenis

[wysig | wysig bron]

Die Italiaanse maatskappy Alitalia-Linee Aeree Italiane S.p.A. is op 16 September 1946 gestig en was die land se vlagdraerredery tot 12 Januarie 2009. Ná die oliekrisis van 1973 en die strawwe ekonomiese klimaat sedert 1996, het die Italiaanse regering en 'n paar ander organisasies sedert 1998 €4,9 miljard in Alitalia belê om dit operasioneel te hou. Tussen 2005 en 2009 het verskeie pogings om Alitalia oor te neem, of saam te smelt met ander rederye, misluk. Sedert 2006 kon die regering nie meer finansiële ondersteuning bied aan die sukkelende lugredery nie, omdat hul verbied was deur die Europese Unie om nuwe staatskapitaal in te spuit. In Augustus 2008 is Alitalia gelikwideer na vele jare van finansiële probleme.

"Nuwe" Alitalia

[wysig | wysig bron]

'n Geheel nuwe maatskappy Alitalia-Compagnia Aerea Italiana SpA (Engels: Alitalia-Italian Air Company) is toe op die been gebring deur 'n groep sakebelange. CAI het die handelsnaam, landingsregte, meeste van die vliegtuie en 'n paar ander bates tydens die likwidasie-proses van die ou Alitalia, en alles van Air One bekom, na die betaling van €427 miljoen in kontant en oorname van €625 miljoen van Alitalia se skuld op 12 Desember 2008.

Op 13 Januarie 2009 begin die "nuwe" Alitalia sake te doen. Die eienaars van Compagnia Aerea Italiana het 25% van die maatskappy se aandele aan Air France-KLM verkoop vir €323 miljoen. Air France-KLM verkry ook 'n opsie om bykomende aandele te koop ná 2013, onderhewig aan sekere voorwaardes.

Teen laat-2013 sou die maatskappy weer bankrotskap in die gesig staar, met die verlies van 'n groot brandstofverskaffer en 'n moontlike vliegverbod deur Italië se burgerlike lugvaartowerheid. Hierna het die lugredery se direkteure 'n €500 miljoen reddingspakket aangekondig. Die sukkelende Italiaanse lugredery was in staat om sy aandeelhouers, wat Air France-KLM insluit, en krediteure te oortuig om addisionele befondsingsmaatreëls te ondersteun, wat 'n €75 miljoen-verbintenis deur die Italiaanse staatsbeheerde poskantoor ingesluit het.

Poste Italiane se ondersteuning verkry die Italiaanse regering was deurslaggewend om Air France-KLM sover te kry om die nuwe befondsingsplan te aanvaar. Alitalia se direksie het 'n voorstel goedgekeur om €300 miljoen in nuwe kapitaal te bekom, asook 'n verdere nuwe kredietlyn van €200 miljoen, wat bekom is van 'n aandeelhouerbank.

Vloot

[wysig | wysig bron]
  • Alitalia Airbus A319-100
    Alitalia Airbus A319-100
  • Alitalia Airbus A320-200 hier in die spesiale kleure van Alitalia.com
    Alitalia Airbus A320-200 hier in die spesiale kleure van Alitalia.com
  • Alitalia Airbus A321-100 in historiese kleure
    Alitalia Airbus A321-100 in historiese kleure
  • Alitalia Airbus A330-200
    Alitalia Airbus A330-200
  • Alitalia Boeing 777-200ER
    Alitalia Boeing 777-200ER

Verwysings

[wysig | wysig bron]
  1. ↑ "Alitalia-netwerk Winter 2013–2014". Geargiveer vanaf die oorspronklike op 23 April 2015. Besoek op 28 Maart 2014.
  2. ↑ "Alitalia" (in Engels). Foundation for Corporate Responsibility. Geargiveer vanaf die oorspronklike op 5 Augustus 2017. Besoek op 29 Januarie 2012. Alitalia is the world's 19th largest passenger airline by fleet size
  3. ↑ www.alitalia.com. URL besoek op 9 Junie 2010
  4. ↑ "Alitalians do it better: The Italian revival" (in Engels). airport-technology.com. 24 Maart 2011. Geargiveer vanaf die oorspronklike op 1 April 2019. Besoek op 29 Januarie 2012.

Eksterne skakels

[wysig | wysig bron]
Hierdie artikel is in sy geheel of gedeeltelik vanuit die Engelse Wikipedia vertaal.