Met ’n geraamde ouderdom van 660 miljoen jaar[7][8] is dit ’n relatief jong Lambda Boötis-ster.[13] Sy sterreklassifikasie van A8 Vn kA6[1] toon hierdie uitsonderlikheid, met "kA6" wat ’n aanduiding is van swakker as normale kalsium K-lyne in sy spektrum. Die "n" ná die ligsterkteklas "V" dui aan die absorpsielyne in die spektrum is breed en newelagtig. Dit word veroorsaak deur die vinnige tolling van die ster, wat ’n hoë rotasiespoed van 206 km/s het.[10]Spektroskopie toon smal, wisselende absorpsie-eienskappe wat veroorsaak word deur sirkumstellêre gas wat na die ster beweeg. Dit is nie die gevolg van interstellêre materie nie, maar ’n gasomhulsel op die ster se wentelvlak. Alpha Pictoris word gekategoriseer as ’n vinnig roterende skilster wat dalk onlangs massa uit sy buitenste atmosfeer gewerp het.[9][14]
Alpha Pictoris is groter as die Son, met ’n massa van twee keer soveel[4] en ’n radius van 60% groter.[5] Sy ligsterkte is 13 keer dié van die Son[6] en sy effektiewe temperatuur is 7 530 K.[9] Dié hitte gee die ster die tipiese wit kleur van ’n A-tipe ster.[15]
Data van die Hipparcos-sending dui aan dit kan ’n dubbelster wees met ’n metgesel wat met ’n halwe lengteas van sowat 1 AE om hom wentel (net so ver as wat die Aarde van die Son af is).[13] Alpha Pictoris is ’n X-straalbron, wat ongewoon vir ’n A-tipe ster is. Die strale kom dalk van die metgeselster af.[9][16]
↑ 1,01,11,2Gray, R. O. et al. (Julie 2006), "Contributions to the Nearby Stars (NStars) Project: Spectroscopy of Stars Earlier than M0 within 40 parsecs: The Northern Sample I", The Astronomical Journal132 (1): 161–170, doi:10.1086/504637, Bibcode: 2006AJ....132..161G
↑ 3,03,13,23,3Johnson, H. L.; Iriarte, B.; Mitchell, R. I.; Wisniewskj, W. Z. (1966). "UBVRIJKL photometry of the bright stars". Communications of the Lunar and Planetary Laboratory. 4: 99–110. Bibcode:1966CoLPL...4...99J.
↑ 4,04,14,2Pizzolato, N.; Maggio, A.; Sciortino, S. (September 2000), "Evolution of X-ray activity of 1-3 Msun late-type stars in early post-main-sequence phases", Astronomy and Astrophysics361: 614–628, Bibcode: 2000A&A...361..614P
↑ 5,05,1Pasinetti Fracassini, L. E.; Pastori, L.; Covino, S.; Pozzi, A. (Februarie 2001). "Catalogue of Apparent Diameters and Absolute Radii of Stars (CADARS) - Third edition - Comments and statistics". Astronomy and Astrophysics. 367 (2): 521–524. arXiv:astro-ph/0012289. Bibcode:2001A&A...367..521P. doi:10.1051/0004-6361:20000451.
↑ 6,06,1Malagnini, M. L.; Morossi, C. (November 1990), "Accurate absolute luminosities, effective temperatures, radii, masses and surface gravities for a selected sample of field stars", Astronomy and Astrophysics Supplement Series85 (3): 1015–1019, Bibcode: 1990A&AS...85.1015M