BMW

Bayerische Motoren Werke Aktiengesellschaft
Tipe Aandelemaatskappy
Gestig 7 Maart 1916
Hoofkantoor München, Vlag van Duitsland Duitsland
SleutelpersoneOliver Zipse (Hoof- uitvoerende beampte)
Norbert Reithofer (voorsitter van die Toesighoudende Raad)
Gebied bedienWêreldwyd
IndustrieMotorvervaardiger
ProdukteMotorvoertuie en motorfietse
Inkomste € 98 990 miljoen (2020)[1]
Bedryfsinkomste € 5,222 miljard (2020)[1]
Netto inkomste € 3,857 miljard (2020)[1]
Werknemers133 778 (2019)[2]
MoedermaatskappyOpenbare beleggings (50%);
Stefan Quandt (29%),
Susanne Klatten (21%)
Webwerfbmwgroup.com
Die hoofkwartier van BMW, sy hoofaanleg en die BMW-wêreldgebou in München

BMW (kort vir Bayerische Motoren Werke AG) is 'n Duitse maatskappy wat weelde- en sportmotors, asook kragtige motorfietse vervaardig.[3] Hulle hoofkantoor is in München. BMW besit BMW Mini en Rolls-Royce. Hulle het voorheen ook Rover besit.

Hulle huidige slagspreuk in die Verenigde Koninkryk is "The Ultimate Driving Machine", terwyl dit in Suid-Afrika en die VSA "Sheer Driving Pleasure" is. In Afrikaans is die slagspreuk "Loutere bestuursgenot".

BMW se kompetisie sluit in Alfa Romeo, Audi, Lexus, Mercedes-Benz, Volvo en Porsche.

Geskiedenis

[wysig | wysig bron]

BMW is in 1913 naby München gestig. Die vervaardiger het aanvanklik gespesialiseer daarin om vliegtuigenjins te bou en dit is ook waarvandaan die wapen van die vervaardiger afkomstig is. Dit stel die draaiende skroef van 'n vliegtuig voor.

Stand in motorbedryf

[wysig | wysig bron]

BMW het gedurende 2006 amptelik die grootste vervaardiger van luukse motors in die wêreld geword.

Kontroversie

[wysig | wysig bron]

Ontwerp

[wysig | wysig bron]

Tydens die vroeë 2000's het BMW 'n nuwe ontwerphoof, Christopher Bangle, aangestel. Sy ontwerpe het onder die spervuur gekom, en die media het na die nuwe ontwerpe verwys as "Bangled" of "Bangle-ized". Die ontwerpe was heelwat meer gegolf, maar ten spyte van kritiek het hulle verkope bly styg.

Kuns

[wysig | wysig bron]

Ook in 2000, het kunstenaars en BMW onder spervuur gekom as gevolg van 'n kunsuitstalling gehou te München met die naam "Dream City" ("Droomstad"). Twee van die kunstenaars, Swetlana Heger en Plamen Dejanov, het hulle uitstalruimte gebruik om BMW's te adverteer. Dit het die belangrike bespreking oor die verhouding tussen kuns en nywerheid ontlok.

Produksie buite Duitsland

[wysig | wysig bron]

BMW produseer motors en motorfietse in Spartanburg, Suid-Carolina. Dit lewer meer as 500 motors daagliks en het 4 700 werknemers.

In Suid-Afrika het BMW 'n moderne fabriek in Rosslyn, noord van Pretoria, en 70% van die motors wat hier vervaardig word, word uitgevoer na die VSA, Japan, Australië, Afrika en die Midde-Ooste. In die vroeë 1990's het BMW R1 miljard in die Rosslynfabriek belê.

Sedert 2004 word BMW's ook in Shenyang, China vervaardig.

Modelle – Motors

[wysig | wysig bron]

Die huidige BMW motormodelle word verdeel in verskillende "Reekse", byvoorbeeld die 3 Reeks.

1-reeks

[wysig | wysig bron]

'n Klein motor, die enigste agterwielaangedrewe voertuig in sy klas, wat in 2004 vrygestel is in Europa en in die VSA in 2006.

3-reeks

[wysig | wysig bron]

Die opvolger van die 2002, 'n kompakte sedan van die vyfde geslag (E90), vrygestel in 2006.

5-reeks

[wysig | wysig bron]

'n Mediumgrootte sedan.

6-reeks

[wysig | wysig bron]

Die afslaankapweergawe van die 5-reeks.

7-reeks

[wysig | wysig bron]

'n Luukse volgroottevoertuig in kompetisie met die Mercedes-Benz S-klas. Ook beskikbaar in 'n koeëlvaste weergawe.

X3

[wysig | wysig bron]

'n Klein SNV met die klem op bekostigbaarheid.

X5

[wysig | wysig bron]

BMW se eerste SNV, in kompetisie met die Porsche Cayenne, Range Rover en Mercedes-Benz M-klas.

Z4

[wysig | wysig bron]

'n Tweesitplekvoertuig, ook beskikbaar as 'n afslaankap.

Modelle – Motorfietse

[wysig | wysig bron]
BMW F 650 GS Dakar

Die huidige BMW motorfietsmodelle word in verskillende "reekse", byvoorbeeld die R-reeks, verdeel.

F-reeks

[wysig | wysig bron]

Hierdie reeks bestaan uit die F650-reeks wat 'n veeldoelfiets is, asook die nuwe F800-reeks wat tans slegs vir padgebruik bedoel is. Beide die reekse gebruik Rotax-enjins wat in samewerking met BMW ontwikkel is. Die F800 reeks is in 2006 vrygestel.

R-reeks

[wysig | wysig bron]

Die reeks bestaan uit 'n groot hoeveelheid modelle wat bykans alle aanwendingsvelde insluit. Al die fietse in die reeks word aangedryf deur BMW se plattweesilinder- of bokserenjins. Een van die mees gewilde fietse in die reeks is die GS (Gelande Strasse) model wat vir veeldoelgebruik bedoel is.

K-reeks

[wysig | wysig bron]

Die K-reeks bestaan uit fietse met inlynviersilinderenjins, en dit is dan ook die BMW-fietse met die beste werkverrigting. Die K1200 wat in 2005 vrygestel is het onder andere die landspoedrekord op die soutpanne in Amerika verbeter.

Kultuur

[wysig | wysig bron]

Die term "beemer" se oorsprong is vanaf die uitspraak van die afkorting "BMW". In Suid-Afrika het Johannes Kerkorrel die bekende lied "BMW" gesing.

Gemeenskap

[wysig | wysig bron]

BMW het 'n hegte en lojale gevolg deur entoesiaste. Die volgende webwerwe is voorbeelde hiervan: E46fanatics.com, M3forums.com, E90post.com, BimmerPortal.com, en bimmerforums.com.

Sedert 1999 het BMW-entoesiaste bymekaar gekom in Santa Barbara, Kalifornië om die "Bimmerfest" by te woon; meer as 3000 mense het dit bygewoon in 2006 met meer as 1000 voertuie.

BMW motorfietseienaars kom elke jaar bymekaar tydens 'n geleentheid in Suid-Afrika wat die ABBG (annual BMW Bikers gathering) genoem word.

Verwysings

[wysig | wysig bron]
  1. ↑ 1,0 1,1 1,2 "BMW Group Report 2020" (PDF). BMW. pp. 9, 130, 136. Besoek op 23 Maart 2021.
  2. ↑ "Annual Report 2019" (PDF). BMW. Geargiveer vanaf die oorspronklike (PDF) op 19 Maart 2020. Besoek op 19 Maart 2020.
  3. ↑ HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels

[wysig | wysig bron]