Balinees

Balinees ᬪᬵᬱᬩᬮᬶ, ᬩᬲᬩᬮᬶ Basä Bali, Bhāṣā Bali
Gepraat in:	Indonesië
Gebied:	Suidoos-Asië
Totale sprekers:	3,95 miljoen[1]
Taalfamilie:	Austronesies  Maleis-Polinesies   Kern-Maleis-Polinesies    Maleis-Soembawa     Bali-Sasak      Balinees
Skrifstelsel:	Latynse alfabet (algemeen) Balinese skrif (opsioneel)
Taalkodes
ISO 639-1:	geen
ISO 639-2:	ban
ISO 639-3:	ban

Balinees (ᬪᬵᬱᬩᬮᬶ, ᬩᬲᬩᬮᬶ, Basä Bali, Bhāṣā Bali; letterlik: "taal van Bali") is 'n Maleis-Polinesiese taal wat in Suidoos-Asië op die eiland Bali (vandaar die naam) en omliggende eilande soos Nusa Penida, Lombok en Java van Indonesië gepraat word. Die taal word tans deur sowat 3,95 miljoen mense gepraat, hoofsaaklik Balinese.

Verspreiding van tale op die eilande Java, Bali en Madoera in Indonesië; Balinese taalgebiede is donkergeel en liggeel

Verspreiding van Balinees op Lombok in pienk

Die woord "Aksara Bali" in Balinese skrif

'n Balinese moedertaalspreker

Balinees is verwant aan Bandjarees, Chamorro, Indonesies/Maleis, Javaans, Madoerees, Minangkabau, Palauaans en Soendanees. Dit is ietwat minder verwant aan Filippynse tale soos Cebuano en Tagalog (Filippyns) en het daarnaas nog 'n los verbintenis met Malgassies in Madagaskar.

Balinees word soms as 'n dialek van Maleis beskou, maar dit word nie algemeen aanvaar nie, hoewel die Maleise taal 'n groot invloed op Balinees uitgeoefen het. Dit word met die Latynse alfabet of die Balinese skrif, 'n Brahmi-skrif uit die Indiese skriffamilie, geskryf. Laasgenoemde is verwant aan die Javaanse skrif van die Javaanse taal.

Verwysings

1. (en) "Ethnologue: Languages of the World, Seventeenth edition, Bali". Ethnologue. Besoek op 30 Mei 2024.

Eksterne skakels

Wikipedia

Sien gerus Wikipedia se uitgawe in Balinees

• Wikimedia Commons het meer media in die kategorie Balinees.

• Wikiwoordeboek het 'n inskrywing vir Balinees.