Bruce Fordyce
Bruce Fordyce | |
|---|---|
 Bruce Fordyce by sy 500ste parkrun | |
| Gebore | 13 Desember 1955 |
| Nasionaliteit | Suid-Afrika |
| Beroep | Atleet, afrigter, motiveringspreker |
| Bekend vir | Comrades-maratonseges |
| Eggenoot | Gill Fordyce |
Bruce Fordyce (gebore 3 Desember 1955 in Hong Kong) is 'n Suid-Afrikaanse maraton- en ultramaratonatleet. Hy is bekend dat hy die Suid-Afrikaanse Comrades-maraton 'n rekord van nege keer, waarvan agt keer agtereenvolgens, gewen het. Hy het ook die Londen na Brighton-maraton drie jaar in 'n ry gewen. Hy hou tans die wêreldrekord vir die oor-50 myl en het vantevore ook die wêreldrekord vir die oor-100km gehou.
Vroeë lewe
[wysig | wysig bron]Fordyce is in Hong Kong gebore en verhuis op 13-jarige ouderdom saam met sy gesin na Johannesburg.[1] Hy voltooi sy skoolloopbaan aan die Woodmead Hoërskool en studeer daarna aan die Universiteit van die Witwatersrand, waar hy in 1977 'n BA-graad en in 1979 'n honneursgraad verwerf. Gedurende die tyd was hy ook 'n lid van die universiteit se studenteraad, sowel as 'n komiteelid van die Wits Atletiekklub.
In 1977 neem Fordyce aan sy eerste Comrades-maraton deel en eindig 43ste vanuit 1678 inskrywings. Hy kom 14de in 1978, 3de in 1979, 2de in 1980,[2] en wen daarna die wedloop vir 'n ongekende agt agtereenvolgende jare (1981-1988). Daarna wen hy weer in 1990. Geen ander atleet in die geskiedenis van die Comrades kon al die prestasie ewenaar nie. Fordyce het ook 'n rekord tyd met die opdraande-wedloop (Durban na Pietermaritzburg) aangeteken en sy rekord van 5:24:07 vir die afdraande-wedloop (Pietermaritzburg na Durban) staan vir 21 jaar vanaf 1986 totdat dit in 2007 deur Rusland se Leonid Shvetsov verbeter is.
Comrades-maraton
[wysig | wysig bron]| Jaar | Posisie | Tyd | Rigting |
|---|---|---|---|
| 1977 | 43 | 06:45:00 | Op |
| 1978 | 14 | 06:11:00 | Af |
| 1979 | 3 | 05:51:15 | Op |
| 1980 | 2 | 05:40:31 | Af |
| 1981 | 1 | 05:37:28 | Op |
| 1982 | 1 | 05:34:22 | Af |
| 1983 | 1 | 05:30:12 | Op |
| 1984 | 1 | 05:27:18 | Af |
| 1985 | 1 | 05:37:01 | Op |
| 1986 | 1 | 05:24:07 | Af |
| 1987 | 1 | 05:37:01 | Op |
| 1988 | 1 | 05:27:42 | Op |
| 1990 | 1 | 05:40:25 | Op |
| 1991 | 328 | 06:57:02 | Af |
| 1994 | 19 | 06:01:54 | Op |
| 1995 | 2232 | 08:42:48 | Af |
| 1996 | 329 | 06:59:30 | Op |
| 2000 | 2691 | 08:41:11 | Op |
| 2001 | 2790 | 08:50:52 | Af |
| 2002 | 4252 | 09:48:46 | Op |
| 2003 | 2784 | 08:53:12 | Af |
| 2004 | 3088 | 09:26:02 | Op |
| 2005 | 2311 | 08:45:20 | Af |
| 2006 | 3596 | 09:41:11 | Op |
| 2007 | 3861 | 09:48:18 | Af |
| 2008 | 3710 | 10:07:33 | Op |
| 2009 | 3818 | 09:48:21 | Af |
| 2010 | 965 | 07:55:03 | Af |
| 2011 | 488 | 07:30:31 | Op |
| 2012 | 1099 | 08:06:10 | Af |
Hy het dus 30 Comrades-marathons voltooi,[1] insluitende die merkwaardige uitslag van identiese tye in 1985 en 1987. In 2011 het hy gemik op 'n silwermedalje, met 'n afrondingstyd van 7 uur 30 minute 31 sekondes, maar dit met 31 sekondes gemis.
Verwysings
[wysig | wysig bron]- ↑ 1,0 1,1 Munien, Mallory (1 Junie 2017). "Bruce Fordyce is inspiring a new generation of running enthusiasts". Daily News (in Engels). Geargiveer vanaf die oorspronklike op 7 Julie 2017. Besoek op 24 Junie 2017.
- ↑ Bloomfield, Mark (2005). "UltraRunning Interview: Comrades Champion Bruce Fordyce" (in Engels). UltraRunning. Geargiveer vanaf die oorspronklike op 2 November 2013. Besoek op 19 Desember 2010.
{{cite web}}: Onbekende parameter|dead-url=geïgnoreer (hulp)
Eksterne skakels
[wysig | wysig bron]- (en) South African Who's Who Geargiveer 10 Mei 2008 op Wayback Machine — Bruce Fordyce
