Cambrai
|
Cambrai | |
|---|---|
| Kaart | Wapen |
 | |
 | |
| Vlag | |
 | |
| Land |  Frankryk
|
| Région (gewes) |  Nord-Pas-de-Calais
|
| Département |  Nord
|
| Koördinate | 50°10′N 3°14′O / 50.167°N 3.233°O |
| Stigting | 4de eeu |
| Oppervlakte: | |
| - Totaal | 18,12 vk km |
| Hoogte bo seevlak | 41-101 m |
| Bevolking: | |
| - Totaal (2009) | 32 518 |
| - Bevolkingsdigtheid | 1 795/vk km |
| - Metropolitaanse gebied | 58 828 |
| Tydsone | UTC +1 |
| - Somertyd | UTC +2 |
| Burgemeester | François-Xavier Villain |
| Amptelike webwerf | villedecambrai.com |
Cambrai of Kameryk is 'n Franse stad en onderprefektuur in die département Nord met sowat 33 000 inwoners. Dit is een van die oudste stede in die gebied en bekoor met sy argitektuur in die Spaanse en Vlaamse boustyle. Die stad staan vroeër veral bekend vir die kambriek, 'n fyn katoenweefsel wat hier verwaardig is. Cambrai is vandag nog steeds 'n sentrum van die tekstielnywerheid.
Geskiedenis
[wysig | wysig bron]
Die Gallies-Romeinse stad Cameracum is na die jaar 430 die hoofstad van 'n Frankiese onderkoninkryk. Later word dit 'n deel van die Merowingiese Ryk. Omtrent 800, onder die heerskappy van Karel die Grote, word Cambrai versterk.
Danksy die tekstielnywerheid word Cambrai in die 10de en 11de eeu 'n ekonomies belangrike stad en setel van 'n biskop. Die katedraal, wat tussen 1150 en 1472 opgerig word, staan vinnig as die "Wonder van die Nederlande" (la merveille des Pays-Bas) bekend. Danksy die rykdom van die kerk bly die stadbewoners belastingvry.
Onder die heerskappy van die Boergondiese hertog Karel die Stoute (Charles le Téméraire, 1433-1477) word Cambrai in etniese en ekonomiese opsig by Frans-Vlaandere ingelyf.
Tydens die Franse Rewolusie word die katedraal in 1793 verwoes en in die 19de eeu deur 'n nuwe kerkgebou, Notre-Dame, vervang.
Duitse troepe beset Cambrai in 1914. Die Slag van Cambrai (20 November tot 6 Desember 1917) is die eerste pantserslag van die Eerste Wêreldoorlog.
Besienswaardighede
[wysig | wysig bron]- 'n Herehuis uit die 18de eeu huisves die Museum van die Skone Kunste, wat skulpture uit die tydperk tussen die 17de en 20ste eeu, fragmente van kerke en kloosters en skilderye van Nederlandse meesters vertoon.
