Canon EOS 350D

Canon EOS 350D
Model	Canon EOS 350D/Digital Rebel XT
Tipe	Enkellensrefleks
Beeldsensor	CMOS APS-C 22.2 × 14.8 mm (1.6× omrekenfaktor)
Stoormedium	CompactFlash (CF) (Tipe I of Tipe II)
Resolusie	3,456 × 2,304 (8 megapieksels)
Lens	Omruilbare (EF, EF-S)
Flits	Ingeboude opwip met warmskoen (E-TTL II)
Sluiter	fokusvlak
Sluiterspektrum	1/4000 tot 30 s en gloeilamp, 1/200 s X-sync
Meting	Volle lensopening TTL, 35-sone
Beligtingsmodusse	Volouto, Portret, Landskap, Naby, Sport, Nagportret, Geen flits, Program, Sluiterprioriteit Lensopeningprioriteit, Hand, Outovelddiepte
Metermodusse	Evaluerende 35-sone, gedeeltelik 9% teen senter, middelgeweegde gemiddeld
Fokusareas	Multi-BASIS TTL, 7 fokuspunte
Fokusmodusse	Outo en hand
Deurlopende skiet	3 raampies/sek, 14 JPEG of 4 RAW raampies
Beeldsoeker	Optiese pentaspieël 95% dekking, 0.8x vergroting
Spoedspektrum	ISO 100, 200, 400, 800, 1600
Witbalans	6 posisies & handvoorkies
LCD-skerm	1.8", 115 000 pieksels
Battery	NB-2LH litiumioonbattery 720mAh
Massa	540 g (met battery en kaart, sonder batterygreep)
Oorsprong	Japan
Prys	Slegs bakwerk: €899 / $899; Stel: €1,099 / $999 (met 'n 18–55 mm lens)

Die Canon EOS 350D (ook bekend as die Canon EOS Digital Rebel XT in Noord-Amerika en die Canon EOS Kiss Digital N in Japan) is 'n 8.0-megapieksel intreevlak digitale enkellensreflekskamera wat deur Canon vervaardig is. Die model is aanvanklik in Februarie 2005 aangekondig. As deel van die EOS-reeks, was dit die opvolger van die EOS 300D, en die voorganger van die EOS 400D (of Digital Rebel XTi), wat in Augustus 2006 vrygestel is.

Besonderhede

Die 350D is 'n opgegradeerde weergawe van die Canon EOS 300D, en was die eerste digitale SLR wat minder as VS$ 1000 gekos het in 2003. Die kamera het 'n 8-megapieksel sensor (3456 × 2304) grootte 22,2 mm × 14.8 mm. Dit is moontlik om "RAW"-beelde deurlopend te skiet tot 5 teen maksimum resolusie. Die kamera het sewe outofokuspunte.

Daar is 'n paar verskille tussen die 350D en die 300D. Heelparty van die funksies wat deur Canon in die 300D weggelaat of ontkoppel is, is teruggevoeg in hierdie kamera. Bykomend tot hierdie ontslote funksies is daar ook 'n aantal verbeterings. Sommige van die belangrikste opgraderings sluit in:

8.0 megapieksels (vermeerder vanaf 6.3)
DIGIC II beeldverwerker
Vinniger aanskakel (0.2 sekondes)
CompactFlash tipe II vermoë
14 (JPEG) of 4-raam deurlopende skietbuffer
Kleiner en ligter kas
Verhoogde aanpassingsfunksie
E-TTL II-flitsalgoritme (verbetering oor die ou E-TTL-flitsalgoritme)
Spieëlsluiter
Selekteerbare AF- en metingmodes
USB 2.0 koppelvlak (verbetering op die stadiger USB 1.1-koppelvlak van die 300D)
Litiumioonbattery.

Die Canon EOS 350D kom met "Digital Photo Professional" wat die gebruiker in staat stel om JPEG- of TIFF-lêers vanuit RAW-lêers te skep. Dit was voorheen slegs beskikbaar met Canon se professionele kameras. Wanneer die rou data gestoor word, gebruik die kamera 'n verlieslose kompressie-algoritme, en nie beelddata soos witbalans nie.

Produksie van die 350D is in 2005 gestaak.^[1]

Probleme

Canon het verenigbaarheidsprobleme met die Lexar Professionele 80x-spoed CompactFlash (CF)-geheuekaart ondervind, wat gelei het tot óf 'n totale beeldverlies, óf die kamera wat gevries het. In die gevalle waar die kamera gevries het, kon die beelde nog opgespoor word met behulp van 'n eksterne VGL-kaartleser.^[2]

Die kamera sal die teenwoordigheid van 'n warmskoenbeskermer interpreteer as die teenwoordigheid van 'n hulpflitslig en sodoende die aanskakel van die ingeboude opwipflits verhoed. Die verwydering van die warmskoenbeskermer sal die ingeboude flits weer in werking stel. 'n Mikroskakelaar in die warmskoen bespeur die teenwoordigheid van die flits.

Wanneer derdepartylense gebruik word, veral ouer Sigmalense, kan daar 'n verenigbaarheidsprobleem wees. Volgens gebruikers se verslae word "Err99" foute vertoon wanneer hulle sulke lense probeer gebruik. Die probleem is meer uitgesproke wanneer 'n ouer lens gebruik word wat nie die funksie van 'n HSM fokusdrywer het nie. 'n Ander oorsaak van Err99 boodskappe betrek EF-S 18-55 lense (die oorspronklike toerustinglens vir die 350D en 20D) wat foutief is; die aankoop van gebruikte EF-S 18-55 lense op die grysmark en internetveilings dra natuurlik ook 'n risikofaktor.

Verwysings

↑ "Canon Camera Museum" (in Engels). Canon. Geargiveer vanaf die oorspronklike op 23 September 2015. Besoek op 24 November 2009.
↑ "Support – EOS Digital SLR Camera". usa.canon.com. Geargiveer vanaf die oorspronklike op 8 Julie 2012. Besoek op 13 Oktober 2009.

Hierdie artikel is in sy geheel of gedeeltelik vanuit die Engelse Wikipedia vertaal.

[1] "Canon Camera Museum" (in Engels). Canon. Geargiveer vanaf die oorspronklike op 23 September 2015. Besoek op 24 November 2009.

[2] "Support – EOS Digital SLR Camera". usa.canon.com. Geargiveer vanaf die oorspronklike op 8 Julie 2012. Besoek op 13 Oktober 2009.

[1]

[2]