Champlainvallei
Die Champlainvallei is 'n streek rondom die Champlainmeer in die deelstate Vermont en New York (Verenigde State). Die vallei behoort tot die mees noordelike ondervedelings van die Groot Appalaggiese Vallei, wat van Kanada tot by Alabama strek.
Die gebied is die mees digbevolkte in Vermont en strek vanaf die meer in oostelike rigting tot by die Groen Berge. Vermont se grootste stad, Burlington, lê aan die Champlainmeer, en sy voorstede het oor 'n gedeelte van die Sentraal-Champlainvallei uitgebrei. Met die uitsondering van die verstedelikte distrik Chittenden bestaan die vallei hoofsaaklik uit oop weivelde en akkers, wat van Champlainvallei een van die mees produktiewe landbougebiede van Vermont maak.
Die deelstaat New York se gedeelte van die vallei behels die oostelike dele van die distrikte Clinton County en Essex County. Die gebied maak hoofsaaklik deel uit van die Adirondackpark en bied, naas ontspanningsgebiede in die park en langs die ongerepte kuslyn van die Champlainmeer, pragtige uitsigte oor die bergspitse van die gewes. Die stad Plattsburgh lê in die noorde van die gebied, terwyl die suide met die historiese dorp Ticonderoga pronk.
|
Deelstaat Vermont |
|---|---|
| Onderwerpe |
Grondwet | Kultuur | Geografie | Regering | Geskiedenis | Ekonomie | Stede | Nedersettings in Vermont |
| Hoofstad | |
| Streke |
Champlainvallei | Groen Berge | Mount Mansfield | Northeast Kingdom |
| Distrikte |
Addison | Bennington | Caledonia | Chittenden | Essex | Franklin | Grand Isle | Lamoille | Orange | Orleans | Rutland | Washington | Windham | Windsor |
| Stede |
Barre | Burlington | Montpelier | Newport | Rutland | South Burlington | St. Albans | Vergennes | Winooski |
| Dorpe |
Bennington | Calais | Stowe | Williston |