Christian Bale

Christian Bale
'n Beeld van die betrokke persoonlikheid.
Christian Bale in 2014 op die Berlynse Rolprentfees.
Geboortenaam Christian Charles Philip Bale
Geboorte 30 Januarie 1974 (1974-01-30) (50 jaar oud)
Haverfordwest, Pembrokeshire, Wallis, Brittanje
Nasionaliteit Brits
Beroep(e) Akteur
Aktiewe jare 1982–tans
Internet-rolprentdatabasis-profiel

Christian Charles Philip Bale (* 30 Januarie 1974–) is ’n Britse akteur.[1][2] Hy het al in groot rolprente gespeel en in kleiner produksies van onafhanklike vervaardigers en kunsateljees.

Hy het op 13 aandag getrek in Steven Spielberg se Empire of the Sun (1987). Hy het die rol vertolk van ’n Engelse seun wat tydens die Tweede Wêreldoorlog van sy ouers geskei raak en verdwaal, en hom eindelik bevind in ’n Japannese konsentrasiekamp.[3] In 2000 het hy lof gekry vir sy uitbeelding van die reeksmoordenaar Patrick Bateman in American Psycho. Hy gaan tot uiterstes om vir ’n rol voor te berei; dit was veral die geval met die sielkundige riller The Machinist (2004), waarvoor hy 28,5 kg verloor het om die rol van Trevor Reznik te vertolk.[4]

Bale het internasionaal meer bekend geraak vir rol as Bruce Wayne/Batman in Batman Begins (2005), The Dark Knight (2008) en The Dark Knight Rises (2012). Vir sy spel in The Fighter (2010) het hy ook groot lof gekry asook verskeie pryse, onder meer ’n Oscar vir beste manlike byspeler. Nog noemenswaardige rolle was in American Hustle en The Big Short.

Vroeë lewe

[wysig | wysig bron]

Bale is in Haverfordwest in Pembrokeshire, Wallis gebore as die seun van David Bale, ’n entrepreneur, vlieënier en talentbestuurder, en Jenny (geb. James), wat in ’n sirkus opgetree het[5][6][7] Hy het drie susters.[8]

Bale se ma is Engels en sy pa ’n gebore Suid-Afrikaner. Hy het al gesê: "Ek is in Wallis gebore, maar ek is nie Wallies nie – ek is Engels."[2] Hy het in Wallis, Surrey en Dorset in Engeland, en in Portugal grootgeword.[9][10]

Sy ouers is in 1991 geskei. Sy ma en susters het in Engeland agtergebly terwyl hy en sy pa na Los Angeles, Kalifornië, verhuis het toe hy 17 jaar oud was.[11] Sy eerste toneelspelondervinding was in 1982 in ’n advertensie vir ’n wasgoedversagmiddel. In 1984 het hy sy verhoogdebuut gemaak in The Nerd in die West End in Londen.[12]

Loopbaan

[wysig | wysig bron]
'n 14-jarige Bale in Stockholm, Swede, terwyl hy in Februarie 1988 voorbrand vir die prent Empire of the Sun gemaak het.

Bale het sy rolprentdebuut in 1986 gemaak as die tsarewitsj Aleksei Nikolajewitsj van Rusland in die TV-prent Anastasia: The Mystery of Anna.[13] Daarna het hoofrolle gevolg in die minireeks Heart of the Country en die fantasieprent Mio in the Land of Faraway.

Vir sy spel in Empire of the Sun (1987) is hy deur die Amerikaanse National Board of Review of Motion Pictures benoem as beste jong akteur – dit was die eerste keer dat die prys toegeken is.[14] Hy het nie gehou van die bohaai wat die publiek en sy skoolmaats daaroor gemaak het nie en het oorweeg om op te hou toneelspeel, totdat Kenneth Branagh hom oorreed het om in 1989 in Henry V te speel.[14] In 1990 het hy saam met Charlton Heston verskyn in Treasure Island. Hierna het rolle gevolg in Newsies, Swing Kids, Little Women en Velvet Goldmine.

In 1999 het Bale die rol van die reeksmoordenaar Patrick Bateman in American Psycho, ’n rolprentweergawe van die omstrede boek met dieselfde naam, vertolk. Hy het tot uiterstes gegaan om die voorkoms te kry wat in die boek beskryf word.[15] Hy het hom ook eenkant gehou om die donker kant van Bateman se persoonlikheid baas te raak. American Psycho het groot reaksie uitgelok, sommige daarvan negatief. Die resensent en rolprenthistorikus Roger Ebert het dit selfs pornografie genoem.[16] Hy het dit egter ’n positiewe resensie gegee en Bale geprys vir sy spel.[17]

Sy eerste rol daarna was Captain Corelli's Mandolin. In 2000 het hy weer ’n moordenaar gespeel, dié keer in Shaft. Bale het in 2002 sy eerste aksierol gekry in die post-apokaliptiese aksiefantasieprent Reign of Fire.[18] Hy het daarin saam met Matthew McConaughey gespeel.

Ná ’n blaaskans van ’n jaar het hy in 2004 in die sielkundige riller The Machinist gespeel. Hy het weer tot uiterstes gegaan om hom vir sy rol voor te berei om Reznik se uitgeteerde voorkoms te kry.[19] Hy het in binne ’n paar maande 27 kg verloor.[20] Aan die einde van die verfilming het Bale net 55 kg geweeg.[19]

In 2004 het Bale die hoofrol van Batman en sy alter ego, Bruce Wayne, gekry in Batman Begins. Dit was net nadat hy maer geword het vir sy rol in The Machinist en hy moes weer spiere oefen om soos Batman te lyk. Hy het ses maande gekry om dit te doen. Hy het die spertyd gehaal en binne dié tyd 45 kg gewig aangesit.[21] Batman Begins is op 15 Junie 2005 uitgereik en was ’n internasionale sukses.[22] Hy het die rol weer in The Dark Knight vertolk. Die prent, wat in 2008 uitgereik is, was ’n treffer en het ’n nuwe rekord opgestel deur in sy eerste naweek in Amerika $158,4 miljoen te laat inrol.[23] Dit het binne 10 dae $300 miljoen oorskry, binne 18 dae $400 miljoen en binne 43 dae $500 miljoen – drie nuwe Amerikaanse rekords.[24] Dit het wêreldwyd meer as $1 miljard gemaak.[25]

In 2012 het hy weer eens die rol van Batman vertolk in The Dark Knight Rises.[26] Dié opvolg het weer meer as $1 miljard gemaak.[27][28]

Bale in 2008.

Ná Batman Begins het Bale weer in onafhanklike rolprente begin optree. Hy het een van die twee hoffrolle vertolk in die misdaaddrama Harsh Times, saam met Freddy Rodriguez en Eva Longoria.[29] In The New World het hy saam met Colin Farrell en Q'Orianka Kilcher gespeel. Hy as ’n sekondêre karakter wat net in die laaste derde van die prent sy verskyning gemaak het. Die prent was ’n mislukking in Amerika en dit het ook nie internasionaal ’n wins gemaak nie.[30]

In 2006 het Bale vier projekte aangepak, onder meer The Prestige saam met Hugh Jackman, Scarlett Johansson, Piper Perabo en David Bowie en I'm Not There saam met Heath Ledger.

In 2010 het hy saam met Mark Wahlberg in die drama The Fighter gespeel. Hy het 14 kg vir die rol van Dicky Eklund verloor en het die Golden Globe vir beste manlike byspeler in ’n rolprent, die Oscar vir beste manlike byspeler en nog 30 pryse vir sy spel gewen.[31][32]

In Desember 2010 is aangekondig Bale sou in die historiese drama The Flowers of War speel, met Zhang Yimou as regisseur.[33] Tydens die verfilming in Januarie 2011 het Bale en ’n span van CNN probeer om Chen Guangcheng, ’n blinde aktivis onder nie-amptelike huisarres weens sy kritiek teen China se eenkindbeleid, te besoek. Terwyl die kameraspan dit afgeneem het, is hy deur tientalle Chinese veiligheidsbeamptes, wat hom nie herken het nie, geslaan, gestamp en toegang tot Guangcheng geweier.[34] Bale het later gesê hy wou "die man ontmoet, met hom bladskud en vertel watter inspirasie hy is".[35][36] Op videomateriaal kan ook gesien word hoe Bale en die CNN-span met klippe gegooi word en hoe ’n bussie 40 minute lank agter hul motor aanjaag.[34]

In 2013 het hy Russell Baze gespeel in die riller Out of the Furnace,[37] en ook verskyn in American Hustle.[38][39] Vir laasgenoemde prent het hy 20 kg aangesit, sy kop kaal geskeer en ’n houding ontwikkel wat hom 3 cm korter laat vertoon het – wat tot rugprobleme gelei het.[40] Robert de Niro, wat ’n kameerol in die prent gehad het, het hom na berig word nie herken toe hy aan hom voorgestel word nie.[41]

Bale was Moses in Ridley Scott se Bybelse epos Exodus: Gods and Kings,[42][43] wat op 12 Desember 2014 uitgereik is. Sy laaste prent (tot in Januarie 2016) was The Promise (2016).

Persoonlike lewe

[wysig | wysig bron]

Bale is op 29 Januarie 2000 met Sandra "Sibi" Blažić, ’n Serwies-Amerikaanse voormalige model en grimeerkunstenaar, getroud. Hulle het twee kinders, Emmaline (geb. 2005) en Joseph (geb. 2014).[44][45][46][47][48]

Bale woon sedert 1992 in Los Angeles.[49] Nes sy pa steun hy omgewingsgroepe soos Greenpeace en die Wêreldnatuurlewefonds. Hy is saam met sy vrou op die beheerliggaam van die Dian Fossey-gorillafonds.[50]

Filmografie

[wysig | wysig bron]
  • Mio in the Land of Faraway (1987)
  • Empire of the Sun (1987)
  • Treasure Island (1990)
  • Newsies (1992)
  • Swing Kids (1993)
  • Little Women (1994)
  • Pocahontas (1995)
  • Metroland (1997)
  • All the Little Animals (1998)
  • Velvet Goldmine (1998)
  • A Midsummer Night's Dream (1999)
  • American Psycho (2000)
  • Shaft (2000)
  • Laurel Canyon (2002)
  • Reign of Fire (2002)
  • Equilibrium (2002)
  • The Machinist (2004)
  • Batman Begins (2005)
  • Harsh Times (2005)
  • The New World (2005)
  • The Prestige (2006)
  • Rescue Dawn (2006)
  • 3:10 to Yuma (2007)
  • The Dark Knight (2008)
  • Terminator Salvation (2009)
  • Public Enemies (2009)
  • The Fighter (2010)
  • The Flowers of War (2011)
  • The Dark Knight Rises (2012)
  • Out of the Furnace (2013)
  • American Hustle (2013)
  • Exodus: Gods and Kings (2014)
  • Knight of Cups (2015)
  • The Big Short (2015)
  • The Promise (2016)

Verwysings

[wysig | wysig bron]
  1. ↑ "Q&A with Christian Bale" (in Engels). Phase9.tv. Geargiveer vanaf die oorspronklike op 20 Desember 2019. Besoek op 3 Desember 2012.
  2. ↑ 2,0 2,1 "Christian Bale: American Psycho" (in Engels). IMDB News. Geargiveer vanaf die oorspronklike op 16 Augustus 2012. Besoek op 21 Julie 2008. I was born in Wales but I'm not Welsh – I'm English
  3. ↑ Singer, Leigh (19 Februarie 2009). "Oscars: the best actors never to have been nominated". The Guardian (in Engels). Londen. Geargiveer vanaf die oorspronklike op 9 Desember 2011. Besoek op 26 Februarie 2010.
  4. ↑ "Christian Bale Lost 63 pounds and get other 110 in less than 9 months!" (in Engels). Allvoices.com. 22 Mei 2010. Geargiveer vanaf die oorspronklike op 7 Januarie 2014. Besoek op 6 Januarie 2014.
  5. ↑ Christian Bale-profiel by FilmReference.com.
  6. ↑ Rourke, Mary (4 Januarie 2004). "Activist David Bale had commitment to Africa". The Seattle Times. Besoek op 30 Junie 2008.
  7. ↑ Serpe, Gina (22 Julie 2008). "Christian Bailed Over Alleged Assault; Denies Wrongdoing" (in Engels). E!. Geargiveer vanaf die oorspronklike op 10 Desember 2011. Besoek op 26 September 2011.
  8. ↑ "Secrets of the Jay Leno show revealed: New book lifts the lid on celebrity divas and behind-the-scenes craziness from the show's 22-year run". Daily Mail. 14 Junie 2014.
  9. ↑ metrowebukmetro (13 September 2007). "60 SECONDS: Christian Bale" (in Engels). Metro.co.uk. Geargiveer vanaf die oorspronklike op 14 Mei 2011. Besoek op 6 Januarie 2014.
  10. ↑ "Christian Bale: Yes, it is the same guy". The Daily Telegraph (in Engels). London, UK: Telegraph Media Group Limited. 21 Januarie 2011. Geargiveer vanaf die oorspronklike op 10 Julie 2019. Besoek op 9 Februarie 2014.
  11. ↑ "Sister of Hollywood star Christian Bale faces losing her home". Bournemouth Echo (in Engels). 3 Maart 2010. Geargiveer vanaf die oorspronklike op 6 November 2018. Besoek op 12 Julie 2013.
  12. ↑ Kamarauskas, K. Christian Bale profile at Thespian Net; URL besoek op 19 Maart 2014.
  13. ↑ "Christian Bale biography" (in Engels). Contact music. Geargiveer vanaf die oorspronklike op 27 Januarie 2015. Besoek op 21 Januarie 2014.
  14. ↑ 14,0 14,1 "BBC Wales – Arts – Christian Bale" (in Engels). BBC Wales. Geargiveer vanaf die oorspronklike op 13 Februarie 2009. Besoek op 13 April 2009.
  15. ↑ Fischer, Paul. "Unmasking an American Psycho." Geargiveer 13 Junie 2000 op Wayback Machine The Cranky Critic; URL besoek op 15 Mei 2006.
  16. ↑ McCormick, Moira. "Christian Bale – Good Christian Talks About Playing a Yuppie from Hell" Geargiveer 4 Desember 2008 op Wayback Machine, Barnes & Noble.com, 5 September 2000; URL besoek op 15 Mei 2006
  17. ↑ Ebert, Roger. "American Psycho" Geargiveer 23 Desember 2012 op Wayback Machine, Chicago Sun-Times, 14 April 2000; URL besoek op 17 Mei 2006
  18. ↑ Reign of Fire IMDb profile; URL besoek op 19 Maart 2014.
  19. ↑ 19,0 19,1 Lee, Michael J. (4 Oktober 2004). "Interviews Christian Bale, The Machinist" (in Engels). Radio Free. Geargiveer vanaf die oorspronklike op 3 Junie 2019. Besoek op 5 Mei 2008.
  20. ↑ Gilchrist, Todd (15 Oktober 2004). "IGN Interviews Christian Bale". IGN FilmForce. Geargiveer vanaf die oorspronklike op 25 Desember 2011. Besoek op 15 Oktober 2004.
  21. ↑ Jordan, Sean. Christian Bale: Belatedly Blabbing Batman Geargiveer 7 Oktober 2006 op Wayback Machine, Femme Fatales, Julie/Augustus 2005; URL besoek op 16 Mei 2006
  22. ↑ "Batman Begins (2005)". Box Office Mojo. Geargiveer vanaf die oorspronklike op 24 Julie 2019. Besoek op 13 April 2009.
  23. ↑ "Dark Knight Sets Weekend Box-Office Record" (in Engels). Fox News Channel. Associated Press. 21 Julie 2008. Geargiveer vanaf die oorspronklike op 26 Oktober 2012.
  24. ↑ "The Dark Knight Rewrites Box Office Record Books" (in Engels). Google News. Agence France-Presse. 22 Julie 2008. Geargiveer vanaf die oorspronklike op 17 Junie 2013.
  25. ↑ "Box Office Mojo: All Time Worldwide Box Office Grosses" (in Engels). Boxofficemojo.com. Geargiveer vanaf die oorspronklike op 18 Oktober 2019. Besoek op 26 Februarie 2010.
  26. ↑ Subers, Ray (30 April 2010). "'Batman' Returns 20 July 2012". Box Office Mojo (in Engels). Geargiveer vanaf die oorspronklike op 20 Augustus 2010. Besoek op 30 April 2010.
  27. ↑ "All Time Worldwide Box Office Grosses" (in Engels). Box Office Mojo, Amazon.com. Geargiveer vanaf die oorspronklike op 18 Oktober 2019. Besoek op 6 September 2012.
  28. ↑ "2012 Yearly Box Office Results". Box Office Mojo, Amazon.com. Geargiveer vanaf die oorspronklike op 13 Januarie 2013. Besoek op 6 September 2012.
  29. ↑ "Blanchett joins Toronto festival lineup". USA Today (in Engels). Associated Press. 26 Julie 2005. Geargiveer vanaf die oorspronklike op 30 Junie 2012. Besoek op 13 April 2009.
  30. ↑ "The New World at Box Office Mojo".
  31. ↑ "Christian Bale wins Oscar for "The Fighter"" (in Engels). Reuters. 28 Februarie 2011. Geargiveer vanaf die oorspronklike op 28 November 2015. Besoek op 9 Mei 2015.
  32. ↑ Barshad, Amos (20 Mei 2009). "Melissa Leo to Control Christian Bale and Mark Wahlberg's Bedtimes". New York (in Engels). Geargiveer vanaf die oorspronklike op 31 Mei 2009. Besoek op 4 Junie 2009.
  33. ↑ Landreth, Jonathan (22 Desember 2010). "Christian Bale to Star in Zhang Yimou film". The Hollywood Reporter (in Engels). Geargiveer vanaf die oorspronklike op 5 Januarie 2020. Besoek op 25 September 2011.
  34. ↑ 34,0 34,1 "'Batman' star Bale punched, stopped from visiting blind Chinese activist" (in Engels). CNN. 17 Desember 2011. Geargiveer vanaf die oorspronklike op 23 Januarie 2018. Besoek op 27 April 2012.
  35. ↑ "Christian Bale barred from visiting China activist Chen" (in Engels). BBC News. 16 Desember 2011. Geargiveer vanaf die oorspronklike op 22 April 2019. Besoek op 27 April 2012.
  36. ↑ Moore, Malcolm (16 Desember 2011). "Christian Bale manhandled while trying to visit Chinese activist". The Telegraph (in Engels). Geargiveer vanaf die oorspronklike op 8 Januarie 2019.
  37. ↑ "Christian Bale, Casey Affleck And Zoe Saldana Confirmed For Out of the Furnace" (in Engels). CinemaBlend.com. Geargiveer vanaf die oorspronklike op 22 Junie 2019. Besoek op 9 April 2012.
  38. ↑ Chitwood, Adam (15 April 2013). "David O. Russell's Next Film Gets New Title: AMERICAN HUSTLE" (in Engels). collider.com. Geargiveer vanaf die oorspronklike op 8 Januarie 2020. Besoek op 16 April 2013.
  39. ↑ "David O. Russell and Christian Bale to reunite on American Bullshit" (in Engels). TotalFilm.com. Geargiveer vanaf die oorspronklike op 14 Julie 2014. Besoek op 9 Julie 2012.
  40. ↑ Mandell, Andrea (3 Desember 2013). "Christian Bale's one-two punch with 'Furnace,' 'Hustle'".
  41. ↑ Rosen, Christopher (20 Desember 2013). "Christian Bale's 'American Hustle' Transformation Even Fooled Co-Star". The Huffington Post. Besoek op 6 Januarie 2014.
  42. ↑ "Christian Bale Eyeing Moses?" (in Engels). Deadline.com. Geargiveer vanaf die oorspronklike op 26 April 2014. Besoek op 19 Oktober 2013.
  43. ↑ "Joel Edgerton to Play Ramses in Ridley Scott's 'Exodus'" (in Engels). HollywoodReporter.com. Geargiveer vanaf die oorspronklike op 10 Januarie 2020. Besoek op 19 Oktober 2013.
  44. ↑ Singh, Anita (23 Julie 2008). "Christian Bale profile". The Daily Telegraph (in Engels). Londen. Geargiveer vanaf die oorspronklike op 27 Maart 2009. Besoek op 13 April 2009.
  45. ↑ "Bale Becomes a Father". Wenn (in Engels). Internet Movie Database. 29 Maart 2005. Geargiveer vanaf die oorspronklike op 29 November 2017. Besoek op 15 Julie 2008.
  46. ↑ McLean, Craig (29 Mei 2005). "Suit yourself, mate". The Age (in Engels). Melbourne. Geargiveer vanaf die oorspronklike op 7 Augustus 2017. Besoek op 15 Julie 2008.
  47. ↑ "Second Child on the Way for Christian Bale". People (in Engels). 8 Maart 2014. Geargiveer vanaf die oorspronklike op 12 Junie 2018. Besoek op 9 Maart 2014.
  48. ↑ "Christian Bale, wife Sibi welcome baby boy". nydailynews.com (in Engels). Geargiveer vanaf die oorspronklike op 18 Januarie 2018. Besoek op 12 Desember 2015.
  49. ↑ Hoad, Phil (5 Junie 2005). "Dark Star". The Guardian (in Engels). Londen. Geargiveer vanaf die oorspronklike op 22 Oktober 2008. Besoek op 13 April 2009.
  50. ↑ "Dian Fossey Gorilla Fund". Gorillafund.org. 14 April 2014. Geargiveer vanaf die oorspronklike op 20 Junie 2010. Besoek op 16 Mei 2014.

Eksterne skakels

[wysig | wysig bron]