Cosplay

Cosplayers by Yukicon 2014, 'n konvensie vir aanhangers in Finland.
Drie cosplayers in 2014 by die Comic Con in Long Beach. Hulle stel 'n Star Trek-karakter, die superheldin Wonder Woman (DC Comics) en superskurk Loki (Marvel Comics) voor.

Cosplay, 'n kombinasiewoord van die Engelse "costume play", is 'n aktiwiteit en kunsvorm waarin deelnemers, bekend as cosplayers, die kostuum en bykomstighede van hulle gunstelingkarakter dra.[1] Cosplayers vorm dikwels 'n subkultuur. 'n Breër gebruik van die term "cosplay" word toegepas op enige kostuumrolspel in venues benewens die verhoog. Gewilde bronne vir cosplay sluit in anime, strokiesverhale, manga, televisiereekse, rock en videospeletjies.

Cosplay het ontwikkel uit die praktyk van aanhangers om helde en skurke se kostuums aan te trek by wetenskapsfiksiekonvensies. Dit het in 1939 begin met die cosplayer Morojo se futuristicostumes wat vir die 1ste Konvensie vir Wêreldwetenskapsfiksie in New York geskep is.[2] Die Japannese term コスプレ (kosupure, "cosplay") is in 1984 gevestig. Die belangstelling van aanhangers om cosplay te doen het veral van die 1990's af toegeneem en was veral gewild in Japan, ander dele van Oos-Asië en daarna die Weste. Cosplay is gewild op konvensies vir aanhangers en daar is vandag baie konvensies, wedstryde, sosiale netwerke, webtuistes en ander mediavorme wat op cosplay konsentreer.

Verwysings

[wysig | wysig bron]
  1. ↑ Stuever, Hank (14 Februarie 2000). "What Would Godzilla Say?". The Washington Post. Besoek op 3 Januarie 2008.
  2. ↑ "Meet the Woman Who Invented Cosplay". www.racked.com (in Engels). 9 Mei 2016. Besoek op 7 Maart 2023.

Skakels

[wysig | wysig bron]