Dalida

Dalida
Dalida in 1974
Agtergrondinligting
Gebore17 Januarie 1933
Kaïro, Egipte
Sterf3 Mei 1987 (op 54)
Parys, Frankryk
GenresChanson française, popmusiek
Beroep(e)Sangeres en aktrise
InstrumenteStem, tamboeryn
Jare aktief1956−1987
EtiketteBarclay • Orlando
Webwerfhttp://www.dalida.com/
Een van Dalida se bekendste fotos, geneem op 2 Januarie 1967 in Sanremo, Italië. Saam met haar vriend Luigi Tenco het sy destyds aan die Sanremo-sangfees deelgeneem. Toe Luigi verneem het dat hy nie tot die eindrondte deurgedring het nie, het hy in sy hotelkamer selfmoord gepleeg. Dalida het 'n poging onderneem om hom in die dood te volg

Iolanda Cristina Gigliotti [joˈlanda kriˈstiːna dʒiʎˈʎɔtti] (17 Januarie 1933 – 3 Mei 1987), beter bekend onder haar kunstenaarsnaam Dalida, was 'n Franse sangeres en aktrise wat as dogter van Italiaanse ouers in die Egiptiese hoofstad Kaïro gebore is. Twee jaar nadat sy die Mejuffrou Egipte-kompetisie van 1954 gewen het, het sy 'n loopbaan in die musiekbedryf begin wat 31 jaar sou duur en waartydens wêreldwyd 170 miljoen langspelers en enkelsnitte met haar liedere verkoop is.

Een van haar enkelsnitte, Bambino, was as haar eerste groot sukses in 1957 was vir 31 weke lank die nommer een op die Franse trefferlys. Haar donker-melancholiese sangkuns, geaksentueer deur haar donker stem en 'n effense Italiaanse aksent in haar Frans, het haar eie privaat lewe weerspieël wat deur die selfmoorde van twee vriende en lewensmaats en haar gewese eggenoot oorskadu is.

Die loopbaan het tot 'n tragiese einde gekom toe sy in 1987 in Parys haar eie lewe geneem het – kort nadat haar destydse vriend selfmoord gepleeg het. Die Amerikaanse tegnologiereus Google het Dalida, wat as een van die grootste sterre in die Franse musiekgeskiedenis beskou word, op 17 Januarie 2019 met 'n doodle vereer.[1][2]

Verwysings

[wysig | wysig bron]
  1. ↑ Die Welt, 17 Januarie 2019: Dalida – Gefeierte Chansonnière, die am Leben scheiterte. Besoek op 29 Oktober 2019
  2. ↑ Google.com: Doodles – January 17, 2019: Dalida’s 86th Birthday. Besoek op 29 Oktober 2019

Eksterne skakels

[wysig | wysig bron]
Media