Deuterostomia

Deuterostomia; Tydperk: Kambrium – tans, 540–0 m. jaar gelede PreЄ Є O S D C P T J K Pg N
	’n Seekomkommer.
Kladistiese klassifikasie
Domein:	Eukaryota;
Koninkryk:	Animalia;
Subkoninkryk:	Eumetazoa;
Klade:	Bilateria;
Klade:	Nephrozoa;
Superfilum:	Deuterostomia; Grobben, 1908
Klades
	"Ambulacraria" Hemichordata; Cambroernida †; Echinodermata; ; Chordata; Saccorhytida †;

Deuterostomia ("tweede mond" in antieke Grieks)^[1]^[2] is ’n superfilum in die koninkryk Animalia (diere). Dit is ’n sustersklade van Protostomia; saam vorm hulle die klade Nephrozoa.

Kladogram

Bilateria

Nephrozoa

Protostomia

Deuterostomia

Chordata

	Hemichordata

	Echinodermata

Xenacoelomorpha

Ontwikkeling

Deuterostomia is ’n takson van die klade Bilateria in die subkoninkryk Eumetazoa. Hulle word van Protostomia onderskei deur die manier waarop die embrio twee openinge ontwikkel: In Deuterostomia word die eerste opening die anus, terwyl Protostomia eers die mond ontwikkel.^[3]

Daar is drie hoofklades in Deuterostomia:

Chordata (gewerweldes en hul verwante)
Echinodermata (stervisse, seekomkommers, seekastaiings, ens.)
Hemichordata (eikelwurms en graptoliete)

Eienskappe

In beide Deuterostomia en Protostomia ontwikkel ’n sigoot eers in ’n hol bal van selle, wat ’n blastula genoem word. In Deuterostomia vind radiale kliewing plaas, waar die selle radiaalsimmetries ten opsigte van die as van die eier gerangskik bly. Die mesoderm vorm as evaginasies (uitstulpings) van die ontwikkelde ingewande; dit breek af en vorm die seloom (buikholte).

’n Groot verskil tussen Deuterostomia en Protostomia is dat die opening aan die onderkant van die vormende gastrula by eersgenoemde die anus word, terwyl dit by laasgenoemde die mond word. By Deuterostomia ontwikkel die mond later aan die teenoorgestelde kant van die embrio en ’n spysverteringskanaal ontwikkel tussen die mond en anus wat die twee verbind.

Verwysings

↑ Wade, Nicholas (30 Januarie 2017). "This Prehistoric Human Ancestor Was All Mouth". New York Times (in Engels). Geargiveer vanaf die oorspronklike op 4 Mei 2020. Besoek op 31 Januarie 2017.
↑ Han, Jian; Morris, Simon Conway; Ou, Qiang; Shu, Degan; Huang, Hai (2017). "Meiofaunal deuterostomes from the basal Cambrian of Shaanxi (China)". Nature. doi:10.1038/nature21072. ISSN 0028-0836.
↑ Martín-Durán, José M.; Passamaneck, Yale J.; Martindale, Mark Q.; Hejnol, Andreas (2016). "The developmental basis for the recurrent evolution of deuterostomy and protostomy". Nature Ecology & Evolution. 1: 0005. doi:10.1038/s41559-016-0005.

Eksterne skakels

Wikispecies het meer inligting verwant aan Deuterostomia

Wikimedia Commons het meer media in die kategorie Deuterostomia.
Hierdie artikel is vertaal uit die Engelse Wikipedia

[NYT-20170130-1] Wade, Nicholas (30 Januarie 2017). "This Prehistoric Human Ancestor Was All Mouth". New York Times (in Engels). Geargiveer vanaf die oorspronklike op 4 Mei 2020. Besoek op 31 Januarie 2017.

[NAT-20170130-2] Han, Jian; Morris, Simon Conway; Ou, Qiang; Shu, Degan; Huang, Hai (2017). "Meiofaunal deuterostomes from the basal Cambrian of Shaanxi (China)". Nature. doi:10.1038/nature21072. ISSN 0028-0836.

[3] Martín-Durán, José M.; Passamaneck, Yale J.; Martindale, Mark Q.; Hejnol, Andreas (2016). "The developmental basis for the recurrent evolution of deuterostomy and protostomy". Nature Ecology & Evolution. 1: 0005. doi:10.1038/s41559-016-0005.

[1]

[2]

[3]