Eenkol-nooientjie

Eenkol-nooientjie
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Pomacentridae
Genus:	Chrysiptera
Spesie:	C. unimaculata
Binomiale naam
Chrysiptera unimaculata (Cuvier, 1830)

Die Eenkol-nooientjie (Chrysiptera unimaculata) is 'n vis wat voorkom in die Stille Oseaan, die Indiese Oseaan, die Rooisee; meer spesifiek die ooskus van Afrika suidwaarts tot by die suide van KwaZulu-Natal. In Engels staan die vis bekend as die Onespot demoiselle.

Identifikasie

Die vis word tot 8 cm lank. Die kleur van die onvolwasse en volwasse visse verskil wesenlik. Die volwasse vis is grysbruin tot koolstofgrys met 'n swart, ovaalvormige kol op die agterkant van die dorsale vin.

Onvolwasse visse is geelbruin met 'n neon blou streep vanaf die snoet tot by die agterkant van die dorsalevin. Daar is ook 'n swart kol met 'n blou ring om onder die dorsalevin. Daar is ook 'n kol op die kieudeksel.

Die vis leef in rots kusareas, plat riwwe en getypoele in water wat tot 2m diep en onstuimig is. Die visse is territoriaal en bly altyd digby 'n skuilplek. Hulle is alleenlopers maar kom ook in klein groepies voor en vreet alge en klein ongewerweldes.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. King, Dennis & Fraser, Valda. Struik Nature. 2014 ISBN 978-1-77584-018-3

Eksterne skakel

• Chrysiptera unimaculata by Fishbase.